Shabýyl jasaǵandardyń sózben sýrettelgen keskin-keıpi sol túni polısııanyń barlyq syrtqy qyzmetterine joldanady. Quramynda PB PPB qyzmetkerleri Dıas Jarov pen Talǵat Ińkárov, sondaı-aq ýchaskelik polısııa ınspektory Rınat Omarov bolǵan ekıpaj baǵdardy qabyldaǵannan keıin, ózderiniń oqıǵa bolǵan jerge jaqyn mańda júrgenderin túsingen.
Tonaýshy ekeýdiń aýlalar men kóshelerdiń arasy arqyly qashyp ketý qaýpi joǵary bolatyn. Alaıda polıseıler ekeýdiń aldynan tosýdy kózdegen. Túısik aldamapty, uzamaı syrtqy sıpaty boıynsha qaraqshylarǵa uqsas eki adam baıqalady. Olar polıseılerdiń ózderin toqtatýyn shabýylmen baılanysty ekendigin de birden túsinbeıdi, óıtkeni qylmys jasalǵan sátten beri 10 mınýtqa jaqyn ǵana ýaqyt ótken.
Ustalǵandar – buryn sottalǵan 29 ben 24 jastaǵy qala turǵyndary bolyp shyqty. Ekeýiniń ústinen Qylmystyq kodekst «Tonaý» baby boıynsha Sotqa deıingi tergep-tekserýler bastaldy. Olardyń biriniń qaltasynan tonaýdyń deregi – qaltafon alyndy. Qazir tonaýshylar ýaqytsha ustaý ızolıatoryna qamaldy.
