Aımaqtar • 20 Sáýir, 2021

Saýda ortalyǵyndaǵy ekpe kabıneti

10 ret kórsetildi

Qostanaı qalasyndaǵy Kostanay Plaza saýda-oıyn-saýyq ortalyǵynda koronavırýsqa qarsy vaksına egetin kabınet jumys isteı bastady. Bul – oblystaǵy eń alǵashqy jyljymaly ekpe pýnkti. Kabınette qaladaǵy №3 emhananyń arnaıy daıarlyqtan ótken dárigerleri qyzmet kórsetedi. Munda kúnine 300 adamǵa deıin vaksına qabyldaı alady.

Oblystyq densaýlyq saqtaý basqarmasy basshysynyń orynbasary Anjela Beksultanovanyń aıtýynsha, mundaı kabınetter erikti túrde vaksına qabyldaǵysy keletin turǵyndarǵa qolaıly jaǵdaı jasaý úshin jáne indettiń taralý qaýpin azaıtý maqsatynda ashylyp otyr.

– Qala turǵyndary emhanaǵa baryp kezek kútpeı-aq, osynda kelip vaksına saldyrta alady. Qazirshe Reseıdiń Spýtnık V vaksınasyn egip jatyrmyz. Taıaýda Qostanaıǵa vaksınanyń birinshi komponentinen 24 myń, ekinshi komponentinen 12 myń doza jetkizildi. Ekpe saldyrtqysy keletin turǵyndar eń aldymen tirkeýden ótip, saýaldama toltyrady. Dárigerdiń qaraýynan ótip, egýge óziniń jazbasha kelisimin bergennen keıin ǵana vaksına egýge jiberiledi. Vaksına egilgen soń jarty saǵat boıy dárigerdiń baqylaýynda bolady. Odan keıin vaksınanyń ekinshi dozasyn alý úshin qaıda jáne qaı ýaqytta kelý kerektigi jazylǵan jadynama beriledi.

Ekpe saldyrý úshin elektrondy úkimet portaly jáne №3 emhananyń resmı saıty arqyly kezekke turýǵa bolady. Sizdiń ótinishińiz qabyldanǵan soń medısına qyzmetkerleriniń ózderi habarlasyp, ekpe alýǵa shaqyrady, – dedi A.Beksultanova.

Qostanaıdaǵy eń iri saýda ortalyǵynda ornalasqan vaksına kabıneti jyl sońyna deıin jumys isteıtin bolady jáne demalys pen mereke kúnderi túski úzilissiz tańǵy saǵat 10.00-den 20.00-ge deıin ashyq turady.

A.Beksultanovanyń aıtýynsha, aldaǵy ýaqytta qala ortalyǵyndaǵy oblystyq fılarmonııa ǵımaratynda ekinshi vaksına kabınetin ashý josparlanyp otyr.

 

Qostanaı oblysy

 

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar