Mınıstr Prezıdentke vedomstvo jumysyndaǵy birqatar oń úrdister jaıynda aıtty. Erlan Turǵymbaevtyń aıtýynsha, bıyl qylmys deńgeıi 13 paıyzǵa qysqarǵan, tonaý, urlyq jáne buzaqylyq 37 paıyzǵa az tirkelgen. Qoǵamdyq oryndar men kóshelerdegi qaýipsizdik deńgeıi artqan.
Qasym-Jomart Toqaevqa esirtki qylmysyna qarsy kúres týraly baıandaldy. Ishki ister mınıstriniń málimetterine sáıkes, birinshi toqsanda polıseıler 860 esirtki qylmysyn anyqtap, sıntetıkalyq zattar jasaıtyn 8 zerthanany joıǵan, 1 tonnadan astam esirtki tárkilegen.
Mınıstr Prezıdent tapsyrmalarynyń oryndalý barysy týraly, onyń ishinde, «qol jetimdi polısııa» qaǵıdatyn qamtamasyz etý jáne ýchaskelik ınspektorlar qyzmetin reformalaý jaıynda aqparat berdi.
Erlan Turǵymbaev áıelder men balalardy zorlyq-zombylyqtan qorǵaý jónindegi bólimshelerdiń shtat sanynyń tıisti normalarǵa jetkizilgeni, áıelder men balalarǵa qatysty qylmystyq isterdi júrgizý boıynsha tergeýshi áıelderdiń mamandanýyn kezeń-kezeńimen engizý týraly baıandady.
Kezdesý qorytyndysy boıynsha Memleket basshysy ishki ister organdaryn sıfrlandyrý, jol apattarynyń aldyn alý jumystaryn jandandyrýdy tapsyrdy. Prezıdent jeke quram men vedomstvonyń aqparattyq saıasatynyń jumysyn jetildirý qajet ekenine nazar aýdardy.
