Mańǵystaý oblysynda «Bekire-2021» jedel aldyn alý is-sharasy barysynda Qyzyl kitapqa engen balyqtardy zańsyz aýlaý faktisi anyqtaldy. Atalǵan is-shara oblystyń tabıǵatty qorǵaý polısııasymen, JQAJ qyzmetkerlerimen, sondaı-aq Aqtaý qalasy PB patrýldik polısııa batalonymen jáne Túpqaraǵan aýdanynyń Polısııa bóliminiń qyzmetkerlerimen birlesip ótkizildi.
Máselen, Túpqaraǵan aýdany Fort-Shevchenko qalasynda polısııa qyzmetkerleri «ÝAZ» avtokóligin toqtatty. Avtomobıldi tekserý kezinde polıseılermen júksalǵyshtan jalpy salmaǵy 148 kılogramnan asatyn bekire tuqymdas balyqtar tabylyp, tárkilendi. Avtokólik júrgizýshisi – 25 jastaǵy jergilikti turǵyn.
Atalǵan fakti boıynsha QR QK 339-baby (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha sotqa deıingi tergeý bastaldy.
