Qoǵam • 21 Sáýir, 2021

Qubyrdaǵy sýdyń sapasy qandaı?

7 ret kórsetildi

Maı aýdany toptyq sý qu­by­ryn­­daǵy sýdyń sapasy barlyq ta­­laptarǵa sáıkes keledi, ıaǵnı aýyz sý retinde paıdalanýǵa jaramdy. Mundaı qorytyndyny Pavlodar oblysy boıynsha Ult­tyq saraptama ortalyǵy Maı aýdandyq bólimshesiniń sa­rap­­­shylary jasady.

Baskól jáne Aqjar aýyl­da­ryn­daǵy magıstraldyq sý qubyryna toqsan saıyn óndiristik baqylaý júr­giziledi, kelesi baqylaý bıylǵy  20 sáýirde.

Ekologııa, geologııa jáne tabıǵı re­sýrstar mınıstrligi baspasóz qyz­me­­tiniń habarlaýynsha, Sý resýrs­tary komıtetiniń ókilderi jumys sa­­parymen Pavlodar oblysy Maı aýda­nynyń Malaısary aýylyna bar­dy. Sapar barysynda jergilikti tur­ǵyn­darmen kezdesý ótti. Jıynda aýyldyń tur­ǵyndary aýyz sýdyń sapasyna qa­tys­ty biraz másele kóterdi. Kezdesý qo­rytyndysy boıynsha Sý resýrstary komıtetimen birlese aýyz sýdyń sa­pasyna ashyq táýelsiz zert­hanalyq zertteý júrgizý týraly sheshim qa­byldandy.

Eske sala keteıik, Sý resýrstary komıtetiniń bastamasymen Pavlodar oblysynyń Maı aýdanynda jergilikti toptyq sý qubyryn qaıta qurý jobasy júzege asyryldy. Nátıjesinde, 2020 jyldyń mamyr aıynda sýdy tazartý stansasy iske qosyldy. Bul 11 myń turǵyny bar 16 aýyldy sapaly aýyz sýmen qamtamasyz etýge múmkindik berdi. Sý qubyrynyń uzyndyǵy 146 shaqyrymdy quraıdy, sýmen jabdyqtaý kózi – jerasty sýlary. Jobalyq ónimdiligi – táýligine 4 150 tekshe metr. Maı aýdany toptyq sý qubyryn qaıta qurý jáne sý tazartý stansasyn iske qosqannan keıin aýdan halqy sapaly aýyz sýdy ǵana emes, sonymen qatar turmystyq maqsattar úshin tazartylǵan sýdy da aldy. Qazirgi ýaqytta toptyq sý qubyry josparly rejimde jumys isteıdi.

 

 

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar