Oqıǵa • 21 Sáýir, 2021

Jol ústindegi muztaý

71 ret kórsetildi

Qostanaı oblysynyń Sarykól aýdanynda muzdy seń kóship, kúre joldyń ústin bıiktigi 5 metr muz úıindisi basyp qaldy. Jolaýshylardyń biri túsirgen vıdeoda kól betinde jyljyǵan muzdyń arnasynan asyp, áp-sátte joldyń ústine taýdaı bolyp úıilip qalǵanyn kórýge bolady. Alyp muz kesekteri jolynda turǵan elektr baǵandarynyń birin qulatyp ketken.

Bul oqıǵany «Qazavtojol» kompanııasynyń oblystyq fılıaly da rastady. Olardyń aıtýynsha, muz kóshkini qatty jeldiń saldarynan bolǵan.

– Bul kúre joldyń 713-shi shaqyrymynda, Sevasto­polskıı kentiniń janynda bolǵan jaǵdaı. Ondaǵy kópir ótken jyly salynǵan. Kópirdiń astyndaǵy sý ońnan sol jaqqa qaraı aǵyp jatyr. Keshe sol jaqtan oń jaqqa qaraı, ıaǵnı aǵynǵa qarsy soqqan qatty jel saldarynan Vıshnovoe kólindegi muz kóterilip, jolǵa shyǵyp ketken. Osyǵan baılanysty, jolda bıiktigi 5 metrge deıin jetetin, uzyndyǵy 500 metrlik muz úıindisi paıda boldy, – dedi «Qazavtojol» UK» AQ Qos­tanaı oblystyq fılıa­ly­­nyń dırektory Andreı Gor­vat.

«Qazavtojol» mamandary men jergilikti organdar túni boıy jol ústin muzdan arshýmen bolǵan. «Qazir jeńil kólik­ter úshin jol ashyq. Bir-eki saǵattan soń muz basyp qalǵan tustan júk kólikteri de óte alady», dedi A.Gorvat.

 

Qostanaı oblysy

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar