Qoǵam • 21 Sáýir, 2021

Nur-Sultanda jasóspirimderge arnalǵan «Dınamo» aýla klýby ashyldy

8 ret kórsetildi

Qajymuqan Muńaıtpasovtyń 150 jyldyq mereıtoıyna oraı daryndy sportshylar tárbıelenetin jańa aýla klýby ashyldy, dep habarlaıdy Egemen.kz elorda ákimdiginiń resmı saıtyna silteme jasap.

Nur-Sultan qalasy ákimdiginiń «Astana jastary» KMM Jastar saıasaty máseleleri basqarmasymen birlesip ashqan jańa aýla klýby ata-anasyz qalǵan balalar men áleýmettik osal otbasylardan shyqqan balalarǵa arnalǵan.

«Búgin aıtýly merekelik shara ótýde. «Dınamo» dene shynyqtyrý sport kesheninde jasóspirimderge arnalǵan jańadan sport seksııalary ashylyp jatyr. Olardy biliktiligi joǵary sport sheberleri tegin jattyqtyrady. Onyń ishinde Qazaqstan men Azııa chempıondary bar. Aldaǵy ýaqytta qazaq kúresi sportyn damytý oıda bar. Bizdiń basty maqsatymyz – balalardy sportqa baýlyp, bolashaqta elge tanymal sportshylardy daıyndaý», – dedi «Dınamo» dene shynyqtyrý sport qoǵamy tóraǵasynyń birinshi orynbasary Bolat Ramazanuly.

Klýbta boks, qoıan-qoltyq urys, taekvando sekildi sport seksııalary, sondaı-aq trenajer zaly jumys isteıtin bolady. 

«Qala basshysynyń tapsyrmasyna sáıkes aýla klýbtarynyń sanyn kóbeıtip otyrmyz. Aýla klýbtary tek qalanyń ortalyǵynda ǵana emes, shetki aımaqtaryn da qamtý kerek. Búgin 26-shy aýla klýbyn ashtyq. Al Saryarqa aýdanynda 4-shi aýla klýby ashylýda. Negizi basty baǵyt – áleýmettik az qamtylǵan otbasylardaǵy balalardy aqysyz túrde sportqa daıyndap, ýaqyttaryn tıimdi paıdalanýǵa septigimizdi tıgizý», – dedi Nur-Sultan qalasy Jastar saıasaty máseleleri basqarmasynyń basshysy Qaırat Qambarov.

Qaırat Qambarovtyń aıtýynsha, Táýelsizdiktiń 30 jyldyǵyna oraı jyl sońyna deıin aýla klýbtarynyń sanyn 30-ǵa jetkizý josparlanyp otyr.

Aıta keteıik, is-shara qatań sanıtarlyq normalar men talaptardy saqtaı otyryp ótkizildi.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar