Aımaqtar • 21 Sáýir, 2021

Tarazda mektep oqýshylary arasynda atys bolǵan

37 ret kórsetildi

Tarazdaǵy mektep oqýshylary arasyndaǵy atystan zardap shekkender birneshe kúnnen soń aýrýhanadan shyǵarylady. Dárigerlerdiń sózinshe, olardyń ómirine tóngen qaýip joq. Al quzyrly oryn men bilim bólimi bolǵan jaǵdaıdy bes kún boıy jasyrǵan. Áli kúnge aqparat berýden tartqan, dep habarlaıdy Egemen.kz KTK telearnasyna silteme jasap.

Telearna málimetinshe, jasóspirimder arasyndaǵy janjalǵa ne sebep bolǵany áli belgisiz. Oqıǵa bes kún buryn saǵat 23:00 shamasynda Shóldala aýylynda bolǵan. Bir top bala osy eldimekenniń jasóspirimderine oq atqan. Biraq bul derek búginge deıin jasyryn ustalǵan. Jappaı tártipsizdikke qansha adamnyń qatysqany belgisiz. Al jaraqat alǵandar sany úsheý. Onyń bireýi - kolledj stýdenti, ekeýi 11 synyp oqýshysy. Denesi bytyraǵa tunyp qalǵan jábirlenýshiler áli aýrýhanada jatyr.

«Aýrýhanaǵa jatqan ýaqytta olardyń jaǵdaıy ortasha aýyr dep esepteldi. Bytyranyń kóptigine baılanysty ota jasaldy. Balalardyń ómirine qaýip tónetindeı, bytyralardyń qan tamyry mańyna ornalasý qaýpi joq. Búginde jaǵdaıy turaqty», deıdi Jambyl oblysy kópbeıindi balalar aýrýhanasynyń bas dárigeri Azat Sátjanov.

Naýqastardyń denesindegi bytyranyń sanynda esep joq, alaıda jandy jerine tımegen. Em qabyldap jatqan ekeýi eki kúnde úıine jiberiledi. Al Shóldalanyń turǵyndary bul oqıǵadan shoshyp, balalaryn kóshege shyǵarýǵa qorqyp otyr. Oqys jaǵdaıdan keıin mektep dırektory men onyń orynbasaryna qatań sógis jarııalanǵan. Al jaǵdaıǵa qatysty túsinikteme berýden bas tartqan bilim bóliminiń basshysy qarý qoldanǵan qarsy tarap qaı mektep oqýshylary ekenin aıtpaı qoıǵan.

Telearna málimetinshe, tártip saqshylary bul derekti barynsha qupııa ustaýǵa tyrysqan. Tek shaǵyn málimet taratqan. Onda oqıǵanyń mán-jaıy jan-jaqty túsindirilmegen.

Al beıresmı málimet boıynsha, kórshi aýyldyń úsh mashınaǵa mingen bir top azamaty osynda kelip, №55 mekteptiń shákirtterine oq jaýdyrǵan. Qarsy taraptyń arasynda da mektep oqýshylary bar kórinedi.

«Bul derek boıynsha sotaldy tergeý júrgizilip jatyr. Qylmys istegen kúdikti ustalyp, qamaýǵa alyndy. Qylmystyq istiń tolyq mán-jaıy qylmystyq prosesýaldyq kodekstiń 201-babyna sáıkes, tergeý múddesine baılanysty jarııalanýǵa jatpaıdy»,  dedi Taraz qalasy №2 PB basshysy Beıbit Nálekov.

Aıta keteıik, telearna málimetinshe, byltyr da osy aýylda oqýshylar arasynda jappaı tóbeles bolǵan. Ol kezde 16 bala bes jigitke jabylyp, bireýin pyshaqtap óltirgen.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar