Qoǵam • 21 Sáýir, 2021

It asyraýdyń da óz erejesi bar

20 ret kórsetildi

Osy jyldyń 14-20 sáýir aralyǵynda elordada ıt pen mysyq asyraý erejelerin buzǵany úshin 17 jeke tulǵa ákimshilik jaýapkershilikke tartyldy, dep habarlaıdy Egemen.kz qala ákimdiginiń resmı saıty.

Búgingi tańda tabıǵatty qorǵaý polısııasy DP JPQ Nur-Sultan qalasynyń tórt aýdanynda ıtter men mysyqtardy serýendetý jáne ustaý erejelerin túsindirý suhbatyn ótkizdi.

Olarǵa túrli jadynamalar men býkletter tabys etildi. Al tıisti erejeleri buzylǵan jaǵdaıda QR ÁQBtK-niń 408-baby boıynsha ákimshilik jaýapkershilikke tartylatyny túsindirildi.

Qaǵıdalardy buzǵany úshin (ıtterdi baılaýsyz ustaǵany sebepti) osy jyldyń 14-20 sáýiri aralyǵynda 17 jeke tulǵa, 2021 jyldyń basynan bastap barlyǵy 296 tulǵa ákimshilik jaýapkershilikke tartyldy.

Qaǵıdanyń 35-tarmaǵynyń 5-tarmaqshasyna sáıkes, ıesiniń erekshe jaýapkershiligin talap etetin ıtterdi qala aýmaǵynda erkin serýendetýge tyıym salynady; ıesiniń erekshe jaýapkershiligin talap etetin ıtterdi tumyldyryqta tek qana alańdarda nemese ıtterge arnalǵan úıretý oryndarynda erkin serýendetýine ruqsat beriledi.

Ieleri kez kelgen tuqymdy ıtterin (ıesiniń erekshe jaýapkershiligin talap etetin ıt tuqymdaryn qospaǵanda) tyıym salý belgisi ornatylmaǵan oryndarda tumyldyryqsyz, alaıda tizginde serýendetýi tıis. Bul rette janýardyń ıesi ózimen birge tumyldyryqty alyp júrýi mindetti, ol qajet bolǵan kezde dereý ıtke taǵylýy tıis. Sondaı-aq aınalasyndaǵylarǵa kedergi keltirmeı, ózimen birge ekskrementter jıyntyǵyn alyp júrýi tıis.

Aıta ketý kerek, ıttiń tumyldyryǵy ýaqtyly taǵylýyna jáne tizgininiń uzyndyǵyna onyń ıesi jaýap beredi.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar