21 sáýir kúni oblys ortalyǵyndaǵy Baýyrjan Momyshuly kóshesindegi №14 úıdiń saıdıngin jel julyp jibergen.
– Tańǵy sáremizdi iship otyrǵamyz. Úsh jarymǵa qaraı tarsyldaǵan daýys estildi. Atys bastalyp ketti me dep oıladyq. Sóıtsek, tórtinshi men besinshi podezdiń arasyndaǵy qaptama ajyrap ketipti. О́tkende «Nur Otan», «Shyǵys Adaldyń alańy» ókilderi kelgende turǵyndar «anaý jer qulaıdy» dep aıtqan. Mán bergen eshkim bolmady. Taǵy qaýsap turǵan jerleri bar, – deıdi qabyrǵasy qars aıyrylǵan úıdiń turǵyny Gúljanat Oralbaeva.
Qala basshylyǵynyń aıtýynsha, bul úıge tapsyrys berýshi, «Qazaqstandyq ıpotekalyq kompanııasy» men «Báıterek Development» AQ. Al merdiger kompanııa «Kúrshim qurylys» JShS.
– Tapsyrys bergen de, qabyldap alǵan da «Qazaqstandyq ıpotekalyq kompanııasy» men «Báıterek Development» AQ ókilderi. Buryn memlekettik komıssııa qabyldaıtyn. Zańdaǵy ol bólimdi bes jyl buryn alyp tastaǵan. Sóıtip ózderi qabyldap, bank arqyly satqan. Kepildik bar. Qazir saıdıngti qaıta qalpyna keltirip jatyr. Biraq, bul jaǵdaı qaıtalana berýi múmkin, – deıdi О́skemen qalasy ákiminiń keńesshisi Álibek Tursymbetov.
