Bilim • 22 Sáýir, 2021

2021 jyly «Bolashaq» baǵdarlamasy boıynsha oqýǵa 1055 stıpendııa bólinedi

37 ret kórsetildi

«Bolashaq» baǵdarlamasy boıynsha osy jylǵa arnalǵan basym mamandyqtar tizbesi akademııalyq oqýǵa arnalǵan 80 mamandyqty jáne taǵylymdamadan ótýge arnalǵan 137 mamandyqty kózdeıdi.

«Vırýsologııa», «Robototehnıka», kreatıvti ekonomıkaǵa baılanysty mamandyqtar, ǵylymdar toǵysyndaǵy túrli mamandyqtar paıda boldy. Bıyl bıotehnologtarǵa, bıologtarǵa, sondaı-aq vaksınologııa salasyndaǵy mamandarǵa kóp kóńil bólinýde. Mamandyqtardyń 7 blogynyń ishinen «Innovasııalar jáne jańa tehnologııalar» bólimin erekshe atap ótkim keledi. Bul blokta ekonomıkadaǵy jańa salalardy qurýǵa jáne qoldanystaǵy salalardaǵy eleýli progreske yqpal etetin ınnovasııalyq mamandyqtardy daıyndaý boıynsha barlyq baǵyttar biriktirilgen», dedi bilim jáne ǵylym vıse-mınıstri Mıras Dáýlenov Ortalyq kommýnıkasııalar qyzmetinde ótken brıfıngte.


Bul tizim memlekettik organdar men túrli uıymdardyń ótinimderi negizinde, sondaı-aq eldiń eńbek naryǵy qajettilikteriniń orta merzimdi boljamyn eskere otyryp ázirlendi. Ashyqtyq maqsatynda tizbe arnaıy komıssııamen qaralyp, bekitildi.

2021 jyly «Bolashaq» baǵdarlamasy boıynsha oqýǵa 1055 stıpendııa bólingen bolatyn. Onyń ishinde 555 stıpendııa magıstratýra, rezıdentýra, doktorantýra baǵdarlamalary boıynsha bólingen, al 500 stıpendııa «ǵalymdar» taǵylymdamalarynyń jańa sanaty boıynsha beriledi. Bul sanat Prezıdenti Qasym-Jomart Toqaevtyń tapsyrmasyna sáıkes qurylǵan bolatyn.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar