«Eki-úsh jyldan beri 150-200 myńdaı aılyq alyp turǵan. Urlanǵan bıýdjettiń aqshasy qosymsha aılyq retinde bastyqtardyń qaltasyna túsip otyrǵan. Bul durys emes. Qazir dárigerlerge ústemaqy berýge aqsha jetpeı jatyr. Kerisinshe, sol jaqqa jumsalsa adal bolar edi. Jymqyrylǵan aqsha bıýdjetke qaıtarylýy kerek», deıdi dáriger Qaıyrǵalı Kóneev.
Almatylyq dáriger alǵashynda bul soraqylyqty tanystarynan estigen. Sosyn áńgimeniń anyq-qanyǵyn bilý úshin quzyrly mekemege hat joldaǵan. Jandarbek Bekshın basqaratyn qalanyń sanıtarııa-epıdemıologııa baqylaý departamenti óz kezeginde aq halattynyń kúdigin rastap, quzyrly organ atalǵan is boıynsha tergeýdi bastap ketkenin jetkizdi.
Basy daýǵa qalǵan Alataý aýdanynyń qaýipsizdigin ákimdik qarjylandyratyn kúzet qyzmeti qamtamasyz etedi. Qaǵaz júzinde jaýapty departament ókilderi aýdan basqarmalarynyń kúzetine jylyna 2 mıllıonnan astam qarajat bóledi eken.
«Osy jaǵdaıdy bilgen kúnnen bastap departament basshysynyń buıryǵymen qyzmettik tekseris júrgizildi. Jınalǵan barlyq maǵlumat UQK men quzyrly organdarǵa joldandy. Bul quzyrly organdar óz tergep-tekserýleriniń qorytyndysyn bizge jiberedi. Sodan keıin ǵana biz óz quziret sheńberimizde atalǵan jaǵdaıǵa baılanysty shara qoldanamyz», dedi Almaty qalasy sanıtarııa-epıdemıologııa baqylaý departamentiniń bólim basshysy Baýyrjan Qydyrbaıuly.
