Rýhanııat • 26 Sáýir, 2021

Kúltóbe qazynalary

32 ret kórsetildi

2008 jyldan bastap Mádenıet jáne sport mınıstrligine qarasty Qazaq ǵylymı-zertteý mádenıet ınstıtýty Túrkistan qalasyndaǵy ortaǵasyrlyq Kúltóbe qalashyǵyna arheologııalyq qazba jumystaryn júrgizgen edi. Jaqynda bul qalashyqtan erte ǵa­syr­larǵa tán kóptegen jádiger ta­bylyp, olar túgeldeı «Áziret Sul­tan» memlekettik tarıhı-mádenı qo­ryq-mýzeı qoryna qabyldandy.

Sýretti salǵan Aıdarbek ǴAZIZULY, «EQ»

Atalǵan qoryq-mýzeı baspasóz qyz­meti habarlaǵan málimetine júginsek, qazba kezinde tabylǵan zattardyń ishinde eń baǵalysy – bizdiń zamanymyzdyń II-III ǵǵ. tán polıhromdy stılde jasalǵan arheologııada «kalachık músindes» dep atalatyn altyn syrǵalar. Sonymen qatar HVII-HIH ǵasyrlarǵa tán 193 dana keramıkalyq jáne 77 dana mys buıymdar, HVIII-HIH ǵasyrlarǵa tán 298 dana moneta, 17 farfor ydys fragmentteri, II ǵasyrdyń ekinshi jartysy-IV ǵasyrǵa tán 6 dana altyn áshekeı, sondaı-aq 9 dana kúmis tıyndar men 2 dana kúmis áshekeı – jalpy sany 600-ge jýyq zat tabylǵan kórinedi.

Bul buıymdar juqa altyn folgadan jasalyp, áshekeı beti anar tárizdi bezendirilgen. Buǵan deıin mundaı buıym Ordabasy aýdanynda ornalasqan Kúltóbe qorymynyń «katakomba» dep atalatyn jerleý qurylysynan tabylǵan bolatyn.

«Ádette, altynnan jasalǵan jádigerler qalanyń ishinde emes, syrttaǵy obalardan tabylady. Kúltóbeden tabylǵan sırek kezdesetin jádigerdiń ereksheligi osynda. Jádigerdiń ja­salý úlgisi saq dáýirinen basqasha. Iаǵnı buryndary qosymsha áshekeı tastardy syrǵa betine japsyrý kóp kezdespegen. Bul reti jádiger – ǵun, sarmat dáýirin beıneleıtin II-III ǵasyrlarǵa tán altyn buıymdar qataryn tolyqtyryp tur. Árbir jádiger salt-dástúr, ǵurpymyzdan habar beredi», deıdi tarıh ǵylym­darynyń doktory, arheolog Muhtar Qoja.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar