Qasharlyq kenshiler taıaýda taǵy da oljaly bolyp otyr. Bul joly kenishtiń teńiz deńgeıinen 30 metr bıiktikte ornalasqan soltústik-shyǵys betkeıindegi kenjardan alyp aǵashtyń qaldyqtary tabyldy.
– Aǵashty ekskavator mashınısi Anatolıı Bezbabnyı jumys kezinde baıqap, birden basshylyqqa habarlady. Nátıjesinde, jalpy salmaǵy eki tonna bolatyn alyp aǵashtyń birneshe bólshegin qazyp aldyq. Onyń ishindegi eń úlkeniniń uzyndyǵy – 7 metr. Aǵashty qazyp alý jumystaryna júk tıegish, býldozer sııaqty arnaıy tehnıka men 5 adam jumyldyryldy, – deıdi «Qashar ken» AQ taý-ken sheberi Ivan Golovanov.
Geolog mamandar ejelgi aǵashtyń shamamen osydan 30-35 mıllıon jyl buryn óskenin aıtyp otyr. Búginge deıin búlinbeı saqtalýyna dińiniń tasqa aınalýy sebep bolǵan. О́ıtkeni quramynyń 50 paıyzdan astamy kvars-karbonatty sementten turady. Taǵy bir tańǵalarlyǵy, kenishti boılaı qalyńdyǵy jarty metrden 3 metrge deıin jetetin kómir qabaty túzilgen. Demek ejelgi aǵash Mezozoı florasyna jatady jáne relıktik gınkgo nemese bıiktigi 110 metrge jetetin álemdegi eń bıik aǵash kıparıstik sekvoııanyń qaldyǵy bolýy múmkin.
Qazir jer qoınaýynan tabylǵan alyp aǵash Qashar kenishine kireberistegi stelaǵa qoıyldy. Kenish mamandary aǵashtyń bir bóligin Rýdnyıdaǵy kásiporyn basqarmasynyń mýzeıine jetkizýdi josparlap otyr.
Qostanaı oblysy
