Koronavırýs • 26 Sáýir, 2021

Zertteý nátıjesi QAZVAC vaksınasynyń qaýipsiz ekenin rastady

151 ret kórsetildi

QAZVAC vaksınasyn klınıkalyq zertteýdiń I-II fazasynyń nátıjeleri boıynsha esepter jáne III fazasynyń aralyq esebi onyń qaýipsizdigin rastaıdy, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.

Usynylǵan esepter negizinde, QR Úkimetiniń 2020 jylǵy 15 jeltoqsandaǵy № 850 qaýlysymen bekitilgen COVID-19-ǵa qarsy vaksınalardy ýaqytsha memlekettik tirkeý qaǵıdalaryna sáıkes, vaksına medısınalyq qoldanýǵa jiberiledi. Esterińizge sala keteıik, QAZVAC ýaqytsha tirkeý kýáligi 2020 jyldyń 31 jeltoqsanynda berilgen bolatyn.

Qazaqstandyq vaksınany synaýdyń úshinshi kezeńi Hattamada kózdelgen zertteý sýbektileriniń 50% belgisinen ótti. Ony bıyl 25 maýsymda aıaqtaý josparlanyp otyr. Osydan keıin QAZVAC tıimdiligin tolyq baǵalaý júrgiziledi.

Vaksınalardyń klınıkalyq zertteýleri, sonyń ishinde III fazada, búkil álemde jalǵasýda. Sonymen Reseı Federasııasy «Spýtnık V» zertteýlerin 2021 jyldyń mamyr aıynyń basynda aıaqtaýdy josparlap otyr, al álemdegi kóptegen farmasevtıkalyq kompanııalar óz zertteýlerin 2022-2023 jyldary aıaqtaıdy.

Qalyptasqan epıdemııalyq jaǵdaıǵa baılanysty koronavırýstyq ınfeksııaǵa qarsy vaksınalardy medısınalyq qoldanýǵa jedel jiberý týraly sheshimder álemniń kóptegen retteýshi organdarynda qabyldanady. Vaksınasııa aýrýdyń taralýymen kúresýdiń eń tıimdi ádisi jáne ujymdyq ımmýnıtetti qalyptastyrýdyń senimdi ádisi bolyp qala beredi. Bul rette, vaksınalardy qoldanýǵa ruqsat etýdiń qysqa merzimine qaramastan, olardyń sapasy men qaýipsizdigin tekserý muqııat jáne barlyq talaptardy saqtaı otyryp júrgiziledi.

Jaǵymsyz reaksııalar anyqtalǵan, «paıda-táýekeldiń» qolaısyz araqatynasy týraly derekter alynǵan nemese ónertabysqa nemese paıdaly modelge úshinshi tulǵalardyń aıryqsha quqyqtaryn buzý týraly kúshine engen sot sheshimi bolǵan jaǵdaılarda vaksınany ýaqytsha tirkeý toqtatyla turýy nemese joıylýy múmkin ekenin atap ótken jón.

Qazaqstanda COVID-19-ǵa qarsy vaksınasııalaý erikti bolyp tabylady jáne vaksınasııalanýshy vaksınasııa kezinde qoljetimdi vaksınasııadan ózi ekkisi keletin vaksınany tańdaýǵa da quqyly.

QAZVAC vaksınasy -  Bilim jáne ǵylym mınıstrliginiń Bıologııalyq qaýipsizdik problemalarynyń ǵylymı-zertteý ınstıtýty ázirlegen COVID-19-ǵa qarsy belsendiligi joıylǵan vaksına. Aldyn ala málimetter boıynsha, onyń tıimdiligi 90%-dan joǵary.

2020 jylǵy 31 jeltoqsanda «Qazaqstan Respýblıkasynda óndirilgen COVID-19 koronavırýsyna qarsy vaksınalardy ýaqytsha memlekettik tirkeý qaǵıdalaryn bekitý týraly» Qazaqstan Respýblıkasy Úkimetiniń 2020 jylǵy 15 jeltoqsandaǵy № 850 qaýlysynyń negizinde vaksınaǵa 30.09.2021 jylǵa deıingi merzimge 31.12.2020 jylǵy QR-BP-№1 ýaqytsha tirkeý kýáligi berildi.

Vaksınasııa bulshyqet ishine 2 kezeńde júrgiziledi, birinshi jáne ekinshi dozany engizý arasyndaǵy aralyq – 21 kún. Vaksınasııalaý pýnktinde aldymen tekserý júrgiziledi, saýalnama toltyrylady jáne vaksınasııalaýǵa jazbasha aqparat beriledi.

Vaksınasııa 18 jastan asqan adamdarǵa usynylady. 18 jasqa deıingi balalar úshin tıimdilik pen qaýipsizdik zerttelmegen.

QAZVAC vaksınasynyń 50 myń dozasy óńirlerge taratyldy: 6000 dozadan Nur-sultan men Almaty, 4000 dozadan Shymkent, Qaraǵandy, Shyǵys Qazaqstan jáne Almaty oblystary, qalǵan óńirler 2000 dozadan aldy. Mamyr aıynda taǵy 50 myń doza shyǵarylady dep kútilýde. Bolashaqta preparat óndirisi kezeń-kezeńimen aıyna 500 myń dozaǵa deıin artady.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar