Prezıdent • 26 Sáýir, 2021

Kókshedegi keń peıil

434 ret kórsetildi

Prezıdent Qasym-Jomart Toqaev 2020 jyldy Volonter jyly dep jarııalasymen-aq Kókshetaý qalasynda baǵaly bastama naqty qoldaý taýyp, qaıyrymdylyq ister keńinen qanat jaıa bastady.

Jan jadyratar, kóńil demer izgi ister «Sabaqtastyq», «Saýlyq», «Taza álem», «Asyl mura», «Qamqor», «Bilim», «Úmit» ataýlary aıasynda uıymdastyryldy. Sala-salaǵa bólingen salmaqty ister ońynan ońǵarylyp, óris aldy. Qazirgi kúni oblys ortalyǵynda otyzdan astam erikti ortalyǵy myńǵa taıaý jastardyń basyn biriktirip, shapaǵat shýaǵyn tógýde. Olardyń ishinde aıryqsha tyńǵylyqty sharýalarmen kózge túsip júrgen «Fenıks», «О́mir», «Úmit jaryǵy» qaıyrymdylyq qorynyń Aqmola fılıaly tárizdi ujymdardy ataı ketýge bolady. Sondaı-aq qala halqy «Meıirimdi júrek», «Jaınar», «Amanat», «Mıloserdıe», «Meıirim», «Ashyq júrek», «Qýanysh syılaıyq», «Stýdent» tárizdi volonterler ortalyǵynyń jandy jumysyna dán razy.

Osynaý eriktiler ortalyqtary qaladaǵy qaıyrymdylyq aksııalaryna belsene qatysyp, áleýmettik jaǵynan az qamtamasyz etilgen, qoly qysqa otbasylar men zeınetkerlerge, múmkindigi shekteýli adamdarǵa qoldarynan kelgenshe kómek kórsetýde. Ulan-ǵaıyr sharýa, árıne. Ásirese ótken jyldyń naýryz aıy volonterlerdiń esinen ketpeıdi. Tótenshe jaǵdaı jarııalanyp, daýasyz dert qaı tustan kelip jabysar dep el abdyrap turǵanda, óz bastaryn qaterge tigip, indettiń aldyn alýǵa keńes beretin myńǵa jýyq aqparattyq paraqsha taratty, 2,5 myń betperde úlestirdi. Qarapaıym betperdeniń ózi taptyrmaı turǵan ýaqytta bul da kóp-kórim kómek edi. Ile jedel toptar qurylyp, saýda oryndary men ashanalarda, bazarlar men dúkenderde ótkizilgen reıdterge qatysyp, túsinik jumystaryn júrgizdi. Saqtaný qajettigin halyqtyń sanasyna quıdy.

«Amanat» volonterler klýby ótken jyldyń basynda 25 adamnyń basyn biriktirip, keleli isterdi qolǵa alǵan soń qatary áp-sátte kóbeıip sala berdi. Jaqyndaryna janashyr bolǵysy keletinder az emes eken. Tótennen kelgen apatpen aıanbaı kúresti. Olar oblys ortalyǵyndaǵy júzden astam otbasyna azyq-túlik sebetterin taratty. Dál osy ýaqytta eshteńe bólip bermese de, úıinde qamalyp otyrǵan halyqtyń halin suraýdyń ózi kádimgideı demeý edi. Ásirese jalǵyzilikti adamdar qamqorlyqsyz qalmaıtyndyqtaryn sezinip, úmit oty laýlaı tústi. Jaqsy is oqý oryndarynda da jalǵasyp jatty. Kókshetaý joǵary medısına kolledjiniń «Mıloserdıe» volonterler ortalyǵy sonaý 1990 jyldan beri jumys isteıtin. Ortalyq quramynda 264 erikti bar. Olar oblystyq kópbeıindi aýrýhanada syrqattarǵa kútim jasady. Ásirese jaǵdaıy aýyrlaǵan adamdarǵa dál osyndaı qolǵabys kerek-tuǵyn. Gýmanıtarlyq kómek kórsetip, medısınalyq-áleýmettik mekemelerge eńbek desanty ispetti jedel járdem berdi. Jastardyń osy bir izgi nıetti isinen qulaqtanǵan qala turǵyndary, ásirese el aqsaqaldary aq batasyn berip, alǵystaryn jaýdyrdy.

Birlikti bekemdeı túsetin oń tájirıbe burynnan bar bolatyn. Máselen, «Fenıks» volonterler ortalyǵy 2014 jyldan beri qaıyrymdylyqpen aınalysyp keledi. Karantın kezinde ortalyqta 300 erikti qaýipti elemeı, ýaqytpen sanaspaı, kómekke zárý adamdarǵa qolushyn berdi. Olar volonterlerge qalaı jumys isteý keregin úıretip, alǵa qoıǵan maqsat-murattarynyń qanshalyqty izgi ekendikterin sanalaryna quıyp, jany jomart jastardy urshyqsha úıirip, mańaılaryna toptastyryp aldy. Respýblıkalyq «Biz birgemiz!» aksııasy sheńberinde 750 otbasyna azyq-túlik pen dári-dármek jetkizip berdi. «Raqat dobro» volonterler ortalyǵy elýge taıaý eriktiniń basyn biriktirip, qyzmet etýde. Olardyń negizgi baǵyty – balalardy dert sheńgelinen aman alyp qalý. О́z maqsattaryna oraı kópbalaly jáne áleýmettik jaǵynan az qamtamasyz etilgen otbasylardyń jetkinshekterine qajetti dári-dármekterin jetkizip berip, qaıyrymdylyq konsertterin, jármeńkeler uıymdastyrdy. Dert dúmep turǵan ýaqytta otyzdan astam otbasyna turaqty qamqorlyq kórsetip, azyq-túlikpen qamtamasyz etti. Sátimen sabaqtalǵan isten «О́mir» volonterler qoǵamy da shet qalǵan joq. Olar salamatty ómir saltyn nasıhattady. Tótenshe jaǵdaı kezinde myńnan astam otbasyn dári-dármekpen qamtamasyz etti.

Eresekter bastaǵan eleýli is balalar tarapynan da qoldaý tapqany qandaı jarasymdy. Mektep oqýshylarynan quralǵan eriktiler toptary qart adamdar men múmkindigi shekteýli jandardyń páterlerin tazartýǵa, dúkennen azyq-túlik ákelip berýge qulshyna kiristi. Jer úılerde turatyn qarııalardyń aýlalaryn qardan tazartyp, otyn-kómirin úıýge qolushyn berdi. Qarııalar bolsa qolǵanatqa jarap qalǵan balalardyń aq adal eńbegine tánti bolysty. Birjan sal atyndaǵy mýzyka kolledjiniń negizinde qurylǵan «Qýanysh syılaıyq» volonter klýby qaıyrymdylyq konsertter men jármeńkeler uıymdastyrýǵa belsene atsalysty. Emhananyń esebinde turǵan sozylmaly syrqaty bar, úıden uzap shyǵa almaıtyn adamdardyń dári-dármekterin jetkizip berdi.

«Býrabaı» kolledjindegi «Meıirim», Kókshetaý joǵary kolledjindegi «Ashyq» volonterler ortalyqtary da osyndaı qajetti istermen aınalysty. Bir jaqsysy, jastardyń bastamasy qurbylary tarapynan qoldaý taýyp, bári bir adamdaı jumyla kiristi desek, artyqtyǵy joq.

Sharapatymen kóńil demeıtin sharýadan oblys ortalyǵyndaǵy kásiporyndar da shet qalmady. Aıtalyq, «Kókshetaý mıneraldy sýlary» qaladaǵy aýrýhanalarǵa 600 myń teńge kóleminde kómek kórsetse, «Bıjan» seriktestigi 5 mln teńgege jasandy tynys alý apparattaryn alyp berdi. Kásipkerler qaýymdastyǵy tyl ardagerleri men áleýmettik jaǵynan az qamtamasyz etilgen adamdarǵa 470 myń teńge kóleminde kómek kórsetti. «Tynys» AQ «Aıalaý» ortalyǵyna 220 myń teńgeniń azyq-túligin áperip, kómekti qajet etetin otbasylarǵa 150 myń teńgeniń azyq-túlik sebetin taratty. «Gormolzavod» seriktestigi 1 mln teńgeniń materıaldyq kómegin berdi.

Mundaı mysaldardy kóptep keltirýge bolady. Túıindeı aıtqanda, osy bir syndarly shaqta kómekti qajet etetin adamdardy qoltyǵynan demeýge árkim de asyqty. Bul neni kórsetedi? El ishinde aýyzbirliktiń, qaıyrymdylyqtyń bar ekenin. Eń bastysy da osy emes pe?!

Ejelden jomarttyǵymen tanylyp kele jatqan «Toı Dastarqan» seriktestigi ótken jyly 5 mln teńge qarjysyn bólip, blok-beketterde turǵan qyzmetkerlerdi ystyq aspen qamtamasyz etip, myltyqsyz maıdannyń aldyńǵy shebinde júrgen dárigerlerdi demedi. Osyndaı qamqorlyqty «Alýa stroı» seriktestigi de talantty jastarǵa, qalamgerler men ánshilerge, sportshylarǵa jasady. «Er Agro» seriktestigi bes birdeı otbasyn karantın kezinde baspanamen qamtamasyz etti.

О́zgege úlgi-ónege bolý úshin jomart jandardyń jaqsylyǵyn aıtý paryz.

 

KО́KShETAÝ

 

Sońǵy jańalyqtar

«Kanelo» qarsylas tańdady

Kásipqoı boks • Búgin, 10:00

Qulybaev qyzmetinen ketti

Qoǵam • Búgin, 09:20

Qyrǵyzǵa qarsy shyǵady

Boks • Búgin, 09:00

Fatıma hanymnyń kóılegi

Tarıh • Búgin, 08:59

Vagner Lav Danııada oınaıdy

Fýtbol • Búgin, 08:57

Jyrshylyq mektep qaıta jańǵyrdy

Bilim • Búgin, 08:55

Álimhanuly Andradeni jeńe ala ma?

Boks • Búgin, 08:52

Myqtylar Melbýrnde bas qosty

Tennıs • Búgin, 08:51

Kóktalǵa kópir syılaǵan

Aımaqtar • Búgin, 08:49

AvtoHQO-lar jumysyn qaıta bastady

Qoǵam • Búgin, 08:47

Kásip meńgergen qatardan qalmaıdy

Qazaqstan • Búgin, 08:40

Áleýmettik tólemder keshikken joq

Qoǵam • Búgin, 08:37

Donor bolý – ómir syılaý

Medısına • Búgin, 08:35

Jańa jyldan bastap jalaqy ósti

Qoǵam • Búgin, 08:33

Almatyǵa 10 reanımobıl syılady

Medısına • Búgin, 08:31

Depozıttiń maksımaldy somasy kóbeıdi

Ekonomıka • Búgin, 08:30

2 mıllıon montajdalǵan anod óndirdi

Qazaqstan • Búgin, 08:29

«Omıkron» jedel taralýda

Álem • Búgin, 08:23

Mamandyqtarǵa da mán bergen jón

Bilim • Búgin, 08:20

Uqsas jańalyqtar