Jomart Qajymuratovtyń aıtýynsha, monetanyń baǵasy eki quramdas bólikten turady. Ortasha eseppen altyn monetalardyń 85%, kúmis monetalardyń 52%-ǵa deıingi baǵasy baǵaly metaldyń baǵasyna baılanysty qalyptasady. Monetany daıyndap, oraýǵa ketetin shyǵyndar altyn moneta baǵasynyń 15%, kúmis moneta baǵasynyń 48% quraıdy.
«Monetalardyń quny kún saıyn Londondaǵy baǵaly metaldar naryǵy qaýymdastyǵynyń tańǵy fıksıngine (baǵa belgileýine) sáıkes ulttyq valıýtanyń aldyńǵy jumys kúnindegi AQSh dollarynyń resmı baǵamy boıynsha teńgemen ındeksteletinin atap ótkim keledi. Mine, sondyqtan da, kolleksııalyq monetalardyń baǵasy kún saıyn ózgerip turady, birde qymbattasa, birde arzandaıdy. Ulttyq Bank monetalardyń satylymynan paıda tabýdy kózdemeıdi», dedi ol.
Osy oraıda ol kolleksııalyq monetalardy shyǵarýdaǵy maqsatty aıtyp ótti.
«Ortalyq bank elimizdiń mádenı jáne tarıhı murasyn saqtap, ony damytýǵa úles qosyp, mańyzdy jetistikter men aıryqsha oqıǵalarǵa ǵasyrlyq ǵumyr bere otyryp aǵartýshylyq maqsatta kolleksııalyq monetalardy shyǵarady», dedi departament dırektory.
