- Osy jyldar ishinde men árqashan halyqtyń birligin, bereke-birlikti, qaýipsizdikti, turaqtylyq pen tynyshtyqty birinshi orynǵa qoıdym. Keıbir oppozısııa ókilderi: «Ol únemi turaqtylyq, tynyshtyq týraly aıta beredi» degenin estidim. Turaqsyzdyq degenniń nesi jaqsy? Biz turaqsyzdyqtyń qandaı bolyp jatqanyn kórip otyrmyz. Revolıýsııadan-revolıýsııaǵa, soǵystan-soǵysqa júgirgen el damymaıdy, ondaı el bárinen artta qalady, - dedi Nursultan Ábishuly.
Sondaı-aq ol eldegi turaqtylyq pen tynyshtyq halyqtyń ózine baılanysty ekenin eske saldy.
- Men elimizdiń beıbitshiliktiń epısentri bolǵanyn qalaımyn. Soǵys zardaptary, ultaralyq qantógisterdiń, dinı qaqtyǵystardyń eshqashan bolmaǵanyn qalaımyn. Osy oraıda, búgingi tańda meniń armanym oryndaldy dep aıta alamyn, - dedi Qazaqstannyń Tuńǵysh Prezıdenti.
