Aımaqtar • 28 Sáýir, 2021

ShQO-da iri esirtki arnasy joıyldy

6046 ret kórsetildi

Polısııa qyzmetkerleri Shyǵysta jáne Almaty oblysynda áreket etken iri esirtki jelisin joıa otyryp, keń aýqymdy arnaıy operasııa ótkizdi, dep habarlaıdy Egemen.kz.

ShQO PD esirtki qylmysyna qarsy is-qımyl basqarmasynyń qyzmetkerleri ShQO boıynsha UQKD-men birlesip jeti adamnan turatyn qylmystyq topty áshkereledi. Olardyń úsheýi elimizdiń ońtústik óńiriniń aýmaǵynda turǵan.

Birlesken arnaıy operasııa nátıjesinde bir aıdan az ýaqyt ishinde esirtki qurylymynyń barlyq qatysýshylary belgili boldy. Olardyń barlyǵy basqa qalalardan kelgen, qylmyskerler qaýipsizdik sharalaryn muqııat saqtap, jaldamaly páterlerdi únemi aýystyryp otyrǵan.

Almaty oblysynda bolyp, qylmystyq toptyń barlyq is-áreketterin basqaryp otyrǵan osy esirtki jelisiniń jetekshisi de anyqtaldy.

o

Esirtki saýdasymen aınalysatyn ár qatysýshynyń óz róli bolǵan. Belgili bir top esirtkini jetkizýge jaýapty bolsa, endi bireýleri ony dozasy boıynsha ólshep, keıinnen qala boıynsha arnaıy oryndarǵa qoıyp ketip otyrǵan. Tintý barysynda shamamen 10 keli satýǵa daıyn sıntetıkalyq esirtki tárkilendi, bul shamamen 100 000  rettik dozaǵa teń.

– Esirtki tasmaldaýshylarǵa taýar kólik-logıstıkalyq kompanııalar arqyly jasyryn qosalqy bólshekter túrinde jóneltilgen. Esirtkisi jasyrylǵan barlyq avtobólshekterdi qyzmettik-izdestirý ıtteri taba almaıdy degen úmitpen, lak-boıaý materıaldarymen muqııat boıaǵan, - dedi ShQO PD bastyǵy Saǵat Madıev.

Esirtkini alǵannan keıin, esirtki qoıatyn adamdy eshkim kórmeý úshin ony arnaıy oryndarǵa qoıý túngi ýaqytta ǵana júzege asyrylǵan.

2021 jyldyń sáýir aıynyń basynda aýqymdy izdestirý jumystary bastaldy. Bir apta ishinde qala aýmaǵynda áreket etken barlyq esirtki tasymaldaýshylar qamaýǵa alyndy. О́z úılerin jalǵa bergen páter ıeleri jaldaýshylardyń páterdi esirtkini ólshep-daıyndaý sehyna aınaldyrǵandaryn kórip, jaǵalaryn ustaǵan. Ári qaraı, kezek esirtki jelisi jetekshilerine de kelip jetti.

Almaty oblysy, Talǵar aýdany, Qyzylqaırat aýylyndaǵy jaldamaly úıde sıntetıkalyq esirtkini daıyndap, ólshep-oraıtyn esirtki zerthanasyn uıymdastyrýǵa tutastaı bir otbasynyń qatystylyǵy anyqtaldy. Olardyń psıhotroptyq zattardy jartylaı daıyn kúıide qoıyp ketý jolymen alyp, ony tutynýǵa daıyn kúıge deıin jetkizip otryǵany belgili boldy.

Tergeý barysynda kúdiktiler «Telegram» messendjeri arqyly esirtkini baılanyssyz taratýmen aınalysqany, al áleýetti klıentterden tólemdi elektrondyq tólem júıeleriniń kómegimen qabyldaǵany anyqtaldy.

Aýqymdy arnaıy operasııa nátıjesinde 21-49 jas aralyǵyndaǵy 7 adam qamaýǵa alyndy. Tárkilengen zattardyń «qara bazardaǵy» quny shamamen 167 mln teńgege baǵalanady.

Kúdiktilerdiń is-áreketi QR QK-niń 297-baby boıynsha saralandy. Kúdiktiler 15 jylǵa deıin bas bostandyǵynan aıyrylýlary múmkin. 

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar