Joǵary oqý ornynda «EduWeek EKTU-2021» akademııalyq aptalyǵy ótti

Akademııalyq apta «Búgin — Erteń — Búrsigúni» atty jańa bilim berý baǵdarlamalarynyń hıt-paradynan bastaldy. Bazalyq ınjenerlik daıyndyq fakýltetiniń dekany Jeńisgúl Rahmetýllına JOO qyzmetkerleri, FBIP POQ, fızıka ortalyǵynyń ınjenerleri, «TF» jáne «MıKM» BB stýdentteri, doktoranttary úshin ekskýrsııa júrgizip, stýdentterdiń ınjenerlik mamandyqtar boıynsha tájirıbelik jumystaryn júrgizetin zerthanalary týraly aıtyp berdi. Aıta ketý kerek, matematıkalyq pánderdi tereńdetip oqytatyn bilim alýshylar da «fızıka ortalyǵynda» zerthanalyq jumystardy oryndaıtyn bolady.

Sonymen qatar, ShQTÝ kitaphanasynda qyzyqty, tanymdyq ekskýrsııalar ótkizilip, jańa bilim berý baǵdarlamalary tanystyryldy.
 
Akademııalyq aptalyq aıasynda ýnıversıtettiń «Qazaq jáne orys kafedrasy» «Latyngrafıkaly qazaq álipbıinde jaza alasyń ba?» atty aqparattyq-tanymdyq sabaq ótkizdi. Sabaqtyń maqsaty - jetildirilgen jańa álipbıdi stýdentterge, oqytýshylar quramyna tanystyrý, nasıhattaý boldy. Al gýmanıtarlyq bilim berý fakýltetine qarasty «Abaı» klýby óziniń ádebı qonaq bólmesin uıymdastyrdy. Oǵan О́skemen qalasynyń № 2 orta mektebiniń oqýshylary qatysty. Mamandar ýnıversıtet qabyrǵasynda aqynnyń shyǵarmashylyǵyn nasıhattaıtyn jumystar jaıly aqparat berip, «Adam bol» kýrsynyń mańyzdylyǵy týraly sóz qozǵady.
 
«EduWeek EKTU-2021» sheńberinde  fızıka ortalyǵynyń zerthanasynda «kúrdeli fızıkalyq úderisterdi modeldeý»atty dóńgelek ústel ótti. Is-sharaǵa Akademııalyq qyzmet jónindegi prorektor Jadyra Qonýrbaeva jáne tájirıbe bazasynyń ókilderi, QR UIаO qyzmetkerleri qatysty. Stýdentter men mektep túlekteri tarapynan QR UIаO ókilderine suraqtar qoıylyp, olarǵa qanaǵattanarlyq jaýaptar berildi. Keıin ShQTÝ-dyń odan arǵy yntymaqtastyq máseleleri talqylandy. 
 
Akademııalyq aptalyqtyń sońynda dástúrli «Bos oryndar jármeńkesi 2021» ótti.  Jyl saıynǵy is-shara ýnıversıtet túlekterine qyzyqty, perspektıvti jáne joǵary aqyly jumys tabýǵa, al jumys berýshilerge jańa bilikti kadrlar tańdaýǵa kómektesedi. "Bos oryndar jármeńkesi» osymen ekinshi jyl onlaın formatta ótýde.
 
Konferensııaǵa «Kazsınk» JShS, «ÚMZ» AQ, «Birikken energoservıstik kompanııa» AQ, «1S-Reıtıng» JShS, «KAZ Minerals» JShS sııaqty Shyǵys Qazaqstannyń iri kompanııalarynyń ókilderi qosyldy.

ShQTÝ-dyń dekandary, olardyń orynbasarlary kezek-kezek konferensııaǵa qosylyp, mamandardy qandaı baǵyttar boıynsha daıarlaıtyndary týraly baıandady. Jumys berýshiler óz kezeginde kompanııalaryn tanystyryp, túlekter úshin mańyzdy aqparattarmen bólisti. «Bos oryndar jármeńkesi 2021» bıylǵy jyly joǵary oqý ornyn bitirgen 700-den astam oqýshyny qamtydy.
 
Aıta ketý kerek, ShQTÝ-da «Bos oryndar jármeńkesi» úshin elektrondy alań ázirlendi. Munda kásiporyndar men stýdentter ózara baılanysa alady. Jumys berýshiler tirkelip, bos jumys oryndary týraly aqparat qaldyryp, stýdentterdiń túıindemesimen tanysady. Stýdentter men túlekter ózderiniń jeke kabınetterinde túıindemelerin ornalastyrady jáne áleýetti jumys berýshiler usynatyn aqparatpen tanysady. Bıylǵy jyly elektrondy alań  pysyqtaldy, endi kásiporyndar túlekterge aqparat berý úshin beıne materıaldar men prezentasııalardy qosa alady.