Qazaqstan Respýblıkasynyń Ákimshilik quqyq buzýshylyqtar týraly Kodeksine engizilgen ózgertýlerge sáıkes buryn sybaılas jemqorlyq qylmys jasaǵan adamdardy jumysqa qabyldaǵany úshin memlekettik organnyń nemese ulttyq kompanııanyń basshysy ákimshilik jaýapkershilikke tartylýy múmkin. Bul týraly ShQO Sybaılas jemqorlyqqa qarsy qyzmetiniń basshysy Erlan Jalmaǵambet atalǵan ózgertýlerdi baıandaý barysynda aıtty.
Atap aıtqanda,buryn sybaılas jemqorlyq qylmys jasaǵan adamdardy jumysqa qabyldaǵany úshin memlekettik organnyń nemese ulttyq kompanııanyń basshysy óz qaltasynan 100 AEK kóleminde aıyppul tóleıdi.
«Bul jerde mańyzdy másele – sybaılas jemqorlyq qylmys jasaǵan adamdardy jumysqa ornalastyrýǵa tyıym salý týraly talap buǵan deıin tek memlekettik qyzmet pen kvazımemlekettik sektordyń basshy laýazymdaryna qatysty bolǵanyn atap ótkim keledi. Endi bıyl jyl basynan bastap kúshine engen Eńbek kodeksindegi túzetýlerge sáıkes sybaılas jemqorlyq úshin sottalǵan adamdardy kez kelgen kvazımemlekettik sektor laýazymyna qabyldaýǵa tolyq tyıym salyndy», dedi ShQO Sybaılas jemqorlyqqa qarsy qyzmet basshysy Erlan Jalmaǵambet.
