HALYQARALYQ TÝRNIR

26-30 sáýir aralyǵynda Astana qalasynda “Qazaqstan Respýb­lıkasy Prezıdentiniń kýbogy” úshin jasóspirimder arasynda fýt­boldan III Halyqaralyq týrnır ótip jatyr. Bul dúbirli dodada Qazaqstan, О́zbekstan, Túrkııa, Ázirbaıjan, Re­seı, Serbııa jáne Qytaıdyń daryndy jas aıaqdop­shy­­lary jasyl alańǵa shy­ǵady. Osy týrnırdi ótkizý shara­synyń bas uıymdastyrýshylary – Qazaqstan Fýt­bol fe­derasııasy men “Nur Otan” halyqtyq-demo­kra­tııa­­lyq partııasy ókilderi jýrnalısterge jıyn ótkizdi. “Nur Otan” HDP Ortalyq apparaty jetek­shisiniń orynbasary Q. Aqsaqalov Elbasymyzdyń Joldaýyna sáıkes Qazaqstan halqynyń salamatty ómir saltyn nasıhattaý jáne qalyptastyrý – bizdiń negizgi baǵyttarymyzdyń biri jáne úshinshi jyl qatarynan ótkizilgeli otyrǵan Prezıdent kýbogy úshin jasóspirimder arasyndaǵy doda sonyń bir kórinisi bolyp tabylady, dedi. Fýtbol federasııasynyń vıse-prezıdenti V. Katkovtyń málimdeýinshe, osy aıtýly týrnır bıyl alǵash ret “Astana-Arena” stadıonynda uıymdas­tyrylyp otyr. Dástúrli doda elimizde 25 sáýirde atalyp ótetin Fýtbol kúnine oraılastyryldy. О́ıtkeni, 2002 jylǵy 25 sáýirde egemen elimiz – Qazaqstan ÝEFA-ǵa múshelikke ótken bolatyn. Osy týrnırde elimizdiń namysyn “Sesna” fýtbol mektebiniń túlekteri qorǵap júr. Bıylǵy týrnır, sondaı-aq bizdiń jas fýtbolshylarymyzdyń 2010/2011 jylǵy Eýropa chempıonatyna irikteý oıyn­dary­na daıyndyqtyń kezekti jattyǵý synaǵy da bolmaq. 2009 jyly “Qazaqstan Respýblıkasy Prezı­denti­niń kýbogy” týrnıriniń bas qadirli qonaǵy retinde FIFA prezıdenti I. Blatter kelgen edi. FIFA basshysy týrnırdiń ótkizilýine jáne atqarylǵan ju­mystarǵa joǵary baǵa berip, kóńiliniń tolǵanyn jet­kizgen-tin.  Almaty qalasynda ótken alǵash­qy týrnır­diń jeńimpazy túriktiń “Beshıktash” klýby­nyń fýtbol­shylary boldy. Al 2009 jyly kýbok “Ole Brazıl” fýtbol akademııasynyń komandasyna buıyrdy. Bıylǵy týrnırdiń saltanatty ashylýy keshe,  sáýirdiń 26-sy kúni boldy. Aqtyq kezdesýler 30 sáýir kúni ótedi. Uıymdastyrýshylardyń maqsaty tek jeńim­pazdardy anyqtaý ǵana emes, joǵaryda aıtqany­myzdaı, jastar arasynda salamatty ómir saltyn nası­hattaý jáne qalyptastyrý, Qazaqstan qonaq­taryna elimizdiń salt-dástúrleri men mádenıetin tany­tý, sonymen qatar, memleketaralyq dostyq baılanystardy nyǵaıtý bolyp tabylady. Jandos MEDIMANOV.