«Ǵalymdar bir ýaqytta bes túrli platformada bes túrli vaksına ázirlep jatyr. QazCOVID-in nemese QazVac týraly bárin bilesizder dep oılaımyn. Ekinshisi – sýbýnıttik vaksına. Búgingi tańda ol bıologııalyq qaýipsizdik máseleleri ınstıtýtynyń bazasynda janýarlarǵa egilip, klınıkaǵa deıingi kezeńnen tolyq ótti. Dárilik zattardy saraptaý ulttyq ortalyǵynda memlekettik saraptamadan da sátti ótti. Olar da oń qorytyndysyn berdi. Endi atalǵan sýbbirlikti vaksına klınıkalyq zertteýdiń birinshi kezeńine shyǵady», dedi Kúnsulý Zakarııa.
Instıtýttyń bas dırektory ózge vaksınalar týraly da aıtty.
«Bizde bir mezgilde eki vektorlyq vaksına ázirlenýde. Bireýi tumaý vektory negizinde, ekinshisi vırýstyń kaprıpoks vektorynda jasaldy. Qazir bul eki vaksına janýarlarǵa egilip, klınıkaǵa deıingi synaqtardan ótip jatyr. Vaksınanyń besinshi túri – «tiri» vaksına. Biz álemde birinshi bolyp álsiretilgen vaksınany alýǵa tyrysamyz. Júzden astam synamanyń ishinen iriktep aldyq. Jýyq arada ony da janýarlarǵa egip, klınıkaǵa deıingi zertteýge shyǵaramyz», dedi Kúnsulý Zakarııa.
Ǵalymnyń aıtýynsha, ázirlenip jatqan tórt vaksınany saqtaý tehnologııasy QazCOVID-in (QazVac) vaksınasynan ózgeshe bolady.
