Qazaqstanda mamyr aıynda jazǵy atmosferalyq prosesterge aýysyp, elimizdiń soltústigi men ońtústik, ońtústik-shyǵysyndaǵy taýly, taý mańyndaǵy aımaqtarda jaýyn-shashyn kóbeıedi. Mamyr aıynda kún jylynǵan soń, qaıta salqyn túsýi yqtımal.
«Kópjyldyq málimet boıynsha, ońtústik aımaqtarda sýyq kúnder mamyrdyń birinshi jartysynda, al soltústikte – aıdyń sońynda aıaqtalady. Biraq keı jyldary ońtústik aımaqtarda yzǵarly salqyn kúnder mamyrdyń sońynda da, al soltústik jáne shyǵysta tipti maýsymda da bolýy ábden múmkin», delingen boljamda.
3 mamyrdan bastap elimizdiń kóptegen bóliginde azdaǵan bultty kún raıy, temperatýranyń joǵarylaýy boljanyp otyr. Birinshi onkúndiktiń ortasynda respýblıkanyń keı aýmaqtarynda naızaǵaıly jańbyr jaýyp, ekpindi jel soǵady. Birinshi onkúndiktiń sońynda Qazaqstannyń kóp bóligine batys antısıklony áser etip, temperatýranyń 5-10 gradýsqa deıin tómendeýi yqtımal. Soltústikte túnde 3 gradýsqa deıin úsik júrýi múmkin.
«Boljamǵa sáıkes, aıdyń ekinshi onkúndiginde de salqyn kúnder keledi. Elimizdiń soltústik jartysynda aýanyń temperatýrasy 5 gradýs sýyqty kórsetýi múmkin, kúndiz 10-15 gradýs jyly bolady, al ońtústikte túnde +3+10 gradýs, kúndiz +12+20 gradýs jyly bolady.
Aıdyń ekinshi jáne úshinshi onkúndikterinde kún jylynyp, soltústik aımaqtarda naǵyz jazǵy ystyq kún raıy keledi, kúndiz kún +25+33 gradýsqa deıin, al ońtústikte - +30+38 gradýsqa deıin ysıdy», deıdi sınoptıkter.
Mamandar bir aıǵa arnalǵan aýa raıy boljamyn konsýltavtik boljam retinde qabyldap, onyń keıinnen sınoptıkalyq jaǵdaıdyń ózgerýine qaraı túzetilýi múmkin ekenin atap ótti.
