Ekonomıka • 04 Mamyr, 2021

Pandemııa órisin keńeıtken saýda

14 ret kórsetildi

Pandemııa onlaın álemniń tynysyn keńeıtip, adamdardy úıde otyryp elektrondy saýda jasaýǵa ábden mashyqtandyrdy.

Qazaq «Úsh kúnnen keıin tozaqqa da úırenedi» dep beker aıtpasa kerek. Indet qursaýǵa saldy dep tirshilik toqtap qala ma? Karantın, komendanttyq saǵat, dúkenderdiń belgili bir saǵattarda jumys isteýine qosa,  qaýipsizdigin oılap, kópshilik jerge barýdan qashqaqtaǵan jandar saýdasyn elektrondy túrde jasaýǵa kiristi. Internet arqyly qyzmet kórsetýdiń de túr-túri kúnnen-kúnge artyp barady. Onda ne joq deısiz, balalarǵa qosymsha sabaq úıretesiz be, as aldyryp ishesiz be, azyq-túlik qajet pe, kıim kerek pe, álde  keńeske zárýsiz be, tolyp jatqan qyzmet kórsetýshiniń ishinen izdegenińizdi mańdaıynan shertip turyp tańdaý jasaısyz.

BUU –nyń Saýda jáne damý jaıyndaǵy jańa baıandamasynda byltyrdyń ózinde vırtýálemdegi saýda barlyq bólshek saýdanyń bes bóligin qurasa, bıyl kórsetkish joǵarylap 16 paıyzdan 19 paıyzǵa kóterilgeni aıtylǵan. Sarapshylar pandemııaǵa deıin aq elektrondy saýdanyń qarqyndy damyp jatqanyn, 2019 jyly onyń 26,6 trıllıon dollarǵa jetip, IJО́ 30 paıyzyn quraǵanyn alǵa tartady. Al indet ony odan da údete túsken.

Onlaın saýdany eń kóp jasaıtyn qaı eldiń turǵyndary eken? Sóıtse elektondy saýda qyzyǵynyń dámi tańdaılaryna tatyǵandardyń kóshin Ońtústik Koreı eliniń halqy bastapty. Bul elde bólshek saýdada ınternet arqyly aldyrý byltyrdyń ózinde 26 paıyzdy quraǵan eken, ekinshi orynda–Qytaı, úshinshide–Ulybrıtanııa azamattary. Al ınternet ıgiligin tıimdi paıdalanǵan kompanııalar ishinde kanadalyq onlaın-platforma Shopify alǵa shyǵyp, onyń saýdasy bir jylda 95 paıyzǵa artqan. Amerıkalyq Walmart jelisi saýda aınalymyn 72 paıyzǵa jetkizse, qytaılyq Pinduoduo tútynýshylarǵa 66 paıyzǵa taýar jetkizip berip, shylqymaıǵa batqan. Degenmen onlaın qyzmet kórsetýshiler arasynda indetten turalap qalǵandar da jeterlik deıdi sarapshylar. Ásirese ol týrısterge onlaın qyzmet kórsetetin kompanııalarǵa aýyr tıgen. Mysaly týrısterge avıabıletter alýǵa, meıramhana, qonaqúılerge tapsyrys alatyn jáne avtomobılderdi jalǵa berýdi qamtamasyz etetin Expedia toby aýyr shyǵynǵa ushyraǵan. Sóıtip olardyń tabysy jyl ishinde 66 paıyzǵa tómendese, páterlerdi jalǵa tapsyrý servısi jóninen álemge aıan Airbnb 37 paıyzǵa deıin tapsyrys joǵaltypty.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar