Sarapshylardyń aıtqanyna den qoısaq, bul DSU zańy úshin qalypty jaǵdaı. Bul faktorǵa kózdi de, qalamdy da úırete berýdiń kezi keldi. Qazaqstannyń qarjy naryǵy jyl basynan bastap DSU zańdarymen jumys istep jatyr. Osyǵan deıin Qytaı jáne Reseı bankteri Qazaqstanǵa kelýge daıyn ekenin málimdegen bolatyn.
Qazaqstan qarjygerleri assosıasııasynyń basshysy Elena Bahmýtova sheteldik bankterdiń birazynyń Qazaqstanǵa áldeqashan kirip alǵan jáne olar lısenzııalaryna sáıkes jumys istep jatqanyn aıtqan. Bizdiń Halyk Bank jáne Kaspi sııaqty iri oıynshylarymyzdyń ózderi halyqaralyq naryqqa shyǵyp jatyr.
2021 jyly 27 sáýirde Qazaqstan Respýblıkasy Qarjy naryǵyn retteý jáne damytý agenttiginiń Basqarmasy «Pákistan Ulttyq Banki EB aksıonerlik qoǵamyna erikti taratýǵa ruqsat berý týraly» №62 qaýlyny qabyldady», delingen vedomstvonyń resmı saıtynda.
Qazaqstandaǵy Pákistan Ulttyq Banki EB AQ 1996 jyly óziniń bas bankiniń Almatydaǵy ókildigi retinde quryldy. Banktiń jalǵyz aksıoneri - Pákistan Ulttyq Banki (shtab-páteri Karachıde, Pákistan).
2002 jyly bankke Qazaqstan Respýblıkasynyń Ulttyq Banki shekteýli banktik lısenzııa berdi, osyǵan sáıkes qarjy ınstıtýtynyń qyzmeti zańdy tulǵalarmen, onyń ishinde sheteldik uıymdarmen jumys isteýdi qarastyrdy. Sonymen birge banktiń jeke tulǵalarǵa shot ashýǵa ruqsaty bolmady.
2005 jyly Qazaqstan Respýblıkasynyń Qarjy naryǵyn jáne qarjy uıymdaryn retteý men qadaǵalaý agenttigi Pákistannyń Ulttyq bankine Qazaqstandaǵy tolyq banktik lısenzııany berdi, bul barlyq jeke tulǵalarǵa, korporatıvti tulǵalarǵa banktik qyzmetterdiń barlyq spektrin usynýǵa múmkindik berdi. 2009 jyly bank aımaqtyq bank bolýǵa sheshim qabyldady (FMSA Basqarmasynyń No140 sheshiminen keıin) óziniń jarǵylyq kapıtalyn ulǵaıtty jáne bas keńsesin Qaskeleń qalasyna aýystyryp, fılıaldaryn ashty.
Eske salsaq, 2021 jylǵy 1 sáýirdegi jaǵdaı boıynsha «Qazaqstandaǵy Pákistan Ulttyq Banki EB» AQ aktıvteri 4,3 mlrd teńgeni, mindettemeler - 65,8 mln teńgeni, nesıelik portfel 3,8 mlrd teńgeni, al tólemder keshiktirilgen nesıeler 22,6% -dy qurady.
Zańdy tulǵalardyń depozıtteri 4,5 mln teńge, sonymen birge kórsetilgen kúnge jeke tulǵalardyń banktegi salymdary joq. Menshikti kapıtaly 4,3 mıllıardtan astam teńge. 2021 jyldyń birinshi toqsanynda bank 18,5 mln teńge zııan shekti.
Alaıda, ótken jyly banktiń paıdasy 20,6 mıllıon teńgeni qurady.
