Aqsha alý úshin ózbekstandyqtar «Salaýatty ómir salty» qosymshasyn telefonǵa ornatyp, elektrondy úkimettiń qoldanýshylardy biryńǵaı ıdentıfıkasııalaý júıesine tirkelip, antropometrııalyq derekter men elektrondy shot nómirin kórsetý kerek. Aqshalaı tólem alǵa qoıylǵan maqsat tabysty oryndalǵan kezde avtomatty túrde túsip otyrady.
Platforma 10 mamyrdan bastap test rejıminde, 1 maýsymnan bastap tolyq formatta jumys istemek. Osylaısha, 10 myń qadam normasyn oryndaǵan azamattar kúndelikti 3 myń som (shamamen 125 teńge) ala alady. Sonymen qatar eger óz qalasynda, oblysynda jáne respýblıka boıynsha úzdik dep tanylsa, aıyna 300 myń, 500 myń jáne 1 mln som tabys tabý múmkindigi bar. Bul tólemder alkogol jáne temeki buıymdaryn óndirýshilerden alynǵan jınaq esebinen tólenedi. О́zbekstandyqtardy jaıaý serýendeý úshin yntalandyrý ótken jyly «Salaýatty ómir saltyn keńinen engizý jáne ári qaraı buqaralyq sportty damytý boıynsha sharalar týraly» О́zbekstan Prezıdentiniń qaýlysynda jazylǵan edi.
