Batys Qazaqstan oblysynda kúrdeli jóndeýden ótetin 248 shaqyrym jol qamtylǵan: «Qaztalovka-Jánibek-Reseı shekarasy» jáne «О́nege-Bısen-Saıqyn».
Almaty oblysynda «Almaty – Bishkek» (Altyn Orda) jáne «Kókpek – Kegen – Qyrǵyzstan shekarasy» avtomobıl joldaryna jóndeý jumystary júrgizilýde. Sondaı-aq, jol salasy qyzmetkerleri kúrdeli jóndeýdi Qostanaı oblysyndaǵy «Jezqazǵan – Petropavl» men «Reseı shekarasy - (Ekaterınbýrgke) – Almaty» tas joldarynda júrgizýde.
Pavlodar oblysynda «Qalqaman – Baıanaýyl – Úmitker – Ýlıanovsk» jáne «Lenın – Aqsý – Kóktobe – Kýrchatov» jol ýchaskeleri jóndeý jumystarymen qamtylǵan.
Sonymen qatar bıyl Soltústik Qazaqstandaǵy «Býlaevo-Vozvyshenka-Molodogvardeıskoe-Kırovo-Qııaly-Roshınskoe» joly jóndelmek.
Aıta ketý kerek, kúrdeli jóndeý joldyń barlyq komponentterine uzaq qashyqtyqta áser etedi. Ol topyraqty nyǵaıtýǵa, aqaýlardy joıýǵa, drenaj júıesin retke keltirýge jáne jabyndy jóndeýge múmkindik beredi. Jalpy, jyldyń qorytyndysy boıynsha kúrdeli jóndeýden keıin 62 shaqyrym respýblıkalyq jol paıdalanýǵa berý kózdelip otyr.
