«Mindetti túrde aıta ketetin jaıt, aýksıon arqyly jerge menshik quqyǵy emes, jer qoınaýyn paıdalaný quqyǵy beriledi. Bul quqyq «Jer qoınaýy jáne jer qoınaýyn paıdalaný» Kodeksinde retteledi. Ýchaskelerdegi kez kelgen tehnologııalyq prosester Energetıka mınıstrligi janyndaǵy Barlaý jáne ıgerý jónindegi ortalyq komıssııada qaralady. Jer qoınaýyn paıdalaný quqyǵyn alǵan ınvestor jergilikti atqarýshy organmen jerdi jaldaý týraly shartqa qol qoıady», degen vedomstvo ókili.
Sonymen qatar ol aýksıon jeńimpazdary jobalaý qujatyn ázirleý aldynda jergilikti turǵyndardyń qatysýymen qoǵamdyq tyńdaýlar ótkizýge mindetti ekenin eskertti.
Osy sharada ol sáýir aıynda ótken onlaın aýksıonda munaı kenishteri bastapqy baǵasynan 13 ese qymbatqa satylǵanyn aıtty. Vıse-mınıstrdiń aıtýynsha, ken oryndaryn onlaın aýksıonda satý tártibine ózgerister engizilýi múmkin.
