Qyzdy Bishkek mańyndaǵy Lebedınovka aýylynan saǵat shamamen 23:00-de belgisiz bireýler urlap áketken. Urlaý sáti vıdeoǵa túsip qalǵan. Izattyń ápkesi shamamen 02:00-de polısııaǵa aryz túsirgen. Ol belgisiz bireýler Toyota Estima markaly avtokóligine qyzdy májbúrlep otyrǵyzyp, alyp ketkenin aıtqan.
IIBB ókilderi sotqa deıingi is júrgizý bastalǵanyn jáne kúdiktiniń jeke basy anyqtalǵanyn aıtty. Onyń turǵylyqty jeri anyqtalyp, polısııa qyzmetkerleri jiberilgen.
Polısııa qyzmetkerleri keıinirek tolyq aqparat berýge ýáde berdi.
Aıta keteıik, Qyrǵyzstanda qyzdy nekege turý maqsatynda urlaý qylmys bolyp sanalady.
Buǵan deıin 5 sáýirde Aızada esimdi qyzdy Bishkekte jumysqa bara jatqan jolda urlap áketkeni habarlanǵan bolatyn.
2 kúnnen keıin qyz ben ony urlaǵan er adamnyń máıiti tabyldy.
Er adam ony kıimimen tunshyqtyryp, keıin óz-ózine qol salǵan. Is boıynsha kúdiktiler ustaldy.
Sondaı-aq qaıtys bolǵanǵa deıin qyzdyń zorlanǵany belgili boldy.
