23 qańtarda jaǵdaıǵa qatysty pikir bildirgen Azııa dzıýdo odaǵy prezıdentiniń keńesshisi ári Astana qalalyq dzıýdo federasııasynyń prezıdenti Aıdar Mahmetov «eshkim eshkimdi urǵan joq» dep málimdedi.
Keıin Serik Sápıev qyzmettik mindetin atqarý barysynda memlekettik qyzmetshiniń ádep normalaryn ustanǵanyn atap ótti. Olımpıada chempıony túsirgen beıne úndeýinde bolǵan jaıttyń jeke basqa qatysty janjal emes ekenin aıtqan bolatyn. Onyń sózinshe, orynbasary tarapynan óziniń tekserýinsiz oblystaǵy sport uıymdary basshylaryn zańsyz rotasııalaý áreketi jasalǵan jáne ol «muny beıbit jolmen toqtatýǵa tyrysqan».
25 qańtarda Serik Sápıevtiń málimdemelerinen keıin Qaraǵandy oblysynyń dene shynyqtyrý jáne sport basqarmasynda tekseris bastalǵany belgili boldy. Al 26 qańtarda óńir ákimi Ermaǵanbet Bólekpaev bul máselege qatysty pikir bildirip, asyǵys baǵa bermeýge jáne jedel qorytyndy jasamaýǵa shaqyrdy. Sondaı-aq ol oqıǵa boıynsha tergeý júrip jatqanyn habarlady.
Sol kúni Dáýren Esimhanov ta málimdeme jasap, áleýmettik jeliler men buqaralyq aqparat quraldarynda «obektıvti shyndyqty kórsetpeıtin aqparat tarap jatqanyn» aıtty. Ol jurtshylyqty arandatýǵa ermeýge shaqyrdy.
Búgin Qaraǵandy oblysynyń dene shynyqtyrý jáne sport basqarmasynda vedomstvo basshysy Serik Sápıev pen onyń orynbasary Dáýren Esimhanov óz erkimen atqaryp otyrǵan laýazymdarynan bosatyldy.
