Foto: Qorǵanys mınıstrligi
Sapar barysynda mıssııa qolbasshylyǵymen kezdesý ótip, onyń sheńberinde Birikken Ulttar Uıymynyń bólingen aımaqty baqylaý mandatyn iske asyrý máseleleri, óńirdegi ahýal men Qazaqstan kontıngentiniń qyzmeti talqylandy.
Joǵary baǵa
Qorǵanys mınıstrliginiń baspasóz qyzmetiniń málimdeýinshe, BUU mıssııa basshysy jáne BUU bólingen aımaqty baqylaý jónindegi kúshteriniń qolbasshysy general-maıor Anıta Asma otandyq bitimgerlerdiń qoıylǵan mindetterdi sapaly oryndaǵany úshin alǵysyn bildirip, olardyń is-qımylyn, kásibıligin, tártibi men úılesimdi áreketin joǵary baǵalady.
Qazaqstannyń ulttyq kontıngenti jedel áreket etý bólimshesiniń fýnksııalaryn oryndap, mobıldi patrýldeýdi júzege asyrady, jedel áreket etý toptarynyń daıyndyǵyn, medısınalyq evakýasııalaýdy jáne ınjener-saperlerdiń ilesip júrýin qamtamasyz etedi. Odan basqa baqylaý beketterinde de mindetter oryndaıdy.
Golan jotalaryndaǵy qazaqstandyq bitimgerler medaldarmen marapattaldy
Statıstıka
Mıssııaǵa qatysa bastaǵannan beri ulttyq kontıngent 675, onyń ishinde 500-den asa patrýldeýdi, jattyǵý is-sharalaryn ótkizýdi, jarylys qaýpi bar zattardy zalalsyzdandyrý operasııalaryn, lekterdi alyp júrýdi jáne ýaqytsha baqylaý beketterin qoıýdy oryndaǵan.
Qazirgi ýaqytta Golan jotalarynda Qazaqstannnyń 139 bitimgeri qyzmet etip júr.
BUU mıssııasynyń qolbasshysy Golan jotalaryndaǵy qazaqstandyq bitimgerlermen kezdesti
