Foto: nationalbank.kz
Jańa kolleksııalyq moneta qysqy Olımpıada oıyndarynyń baǵdarlamasyna 1992 jyldan beri enip kele jatqan short-trekke arnalǵan. Konkımen júgirýdiń bul túri joǵary jyldamdyǵymen, taktıkalyq kúresimen jáne tartysty básekesimen erekshelenedi. Osy qasıetteriniń arqasynda short-trek qysqy Olımpıadalarda halyqaralyq kórermenderdiń aıryqsha qyzyǵýshylyǵyn týdyryp keledi.
«OLYMPIC GAMES 2026. SHORT TRACK» kolleksııalyq monetasy Germanııanyń MDM Münzhandelsgesellschaft mbH & Co. KG Deutsche Münze (MDM) nýmızmatıkalyq kompanııasymen seriktestikte daıyndalǵan. Moneta 925 synamaly kúmisten soǵylǵan, túrli-tústi baspa tehnologııasy qoldanylǵan. Salmaǵy – 20 gramm, dıametri – 37 mm, daıyndalý sapasy – proof. Nomınaly – 1000 teńge, taralymy – 2000 dana.
Budan bir jarym jyl buryn Raqymjan Qoshqarbaev pen Kemel Aqyshevtiń 100 jyldyǵyna oraı monetalar shyǵarylǵan edi.
Kolleksııalyq monetalar Qazaqstannyń búkil aýmaǵynda óz narısateldik quny boıynsha barlyq tólem túrleri úshin qabyldanýǵa mindetti. Sondaı-aq olardy banktik shottarǵa esepke alý, aýdarý, aıyrbastaý jáne usaqtaý úshin elimizdiń barlyq bankterinde paıdalanýǵa bolady. Monetalar Qazaqstan teńge saraıynda shyǵarylǵan.
Ulttyq bank «JOSHY ULYSY. 800 JYL» jańa monetalaryn shyǵarady
