Foto: birdnet.cornell.edu
Qustardyń ár túrine tán erekshe dybysy bar. Osy «akýstıkalyq qoltańba» arqyly olardy kózge kórinbeı-aq anyqtaýǵa bolady. Bul ásirese túnde qonys aýdaratyn qustardy zertteý úshin óte mańyzdy. Dybystyq jazbalardy taldaýda jasandy ıntellektiniń qoldanylýy myńdaǵan saǵattyq aýdıony jyldam óńdep, qus túrlerin joǵary dáldikpen aıqyndaýǵa jol ashty. AQSh-tyń Kornell ornıtologııa zerthanasy men Nıý-Iork ýnıversıteti birlesip daıyndaǵan AI negizindegi BirdVoxDetect jáne BirdNET sekildi júıeler jyl qustaryn zertteýdiń jańa quraldaryna aınaldy. BirdVoxDetect túngi ushý kezindegi qus únderin shýly ortada da anyqtaı alady. Al BirdNET smartfon arqyly qustardyń dybysyn jazyp, túrin birden tanýǵa múmkindik beredi. 2024 jylǵy Global Big Day sharasynda bul qosymsha 900-den astam qus túrin naqty ýaqyt rejıminde anyqtaýǵa kómektesti.
TikTok juldyzy Habı Leım óziniń JI-syńaryn 975 mıllıon dollarǵa satty
Jasandy ıntellekt tek túrdi tanýmen shektelmeı, kóshý baǵyttaryn, aıaldaý núktelerin jáne qustardyń sany men bıomassasyn anyqtaýǵa múmkindik berip otyr. Mundaı derekter tabıǵatty qorǵaý isinde asa qundy. Olar sırek kezdesetin mekenderdi saqtaýǵa, qorǵalatyn aýmaqtardy tıimdi josparlaýǵa jáne ekologııalyq saıasatty ǵylymı negizdeýge jaǵdaı jasaıdy.
Joǵary bilimge JI-di engizý neni ózgertedi?
Mamandardyń aıtýynsha, jasandy ıntellekt qustardy zertteýdiń bolashaǵyn aıqyndaıdy. Bul tehnologııa tabıǵattyń názik tepe-teńdigin saqtaýǵa baǵyttalǵan ǵylymı izdenisterge jańa serpin berip, adam men qorshaǵan orta arasyndaǵy jaýapkershilikti tereń sezinýge jeteleıdi.
