Sarapshynyń aıtýynsha, jańa Konstıtýsııany qabyldaýdy 2019 jyldan beri Qazaqstanda dáıekti túrde júzege asyrylyp kele jatqan saıası jáne ınstıtýsıonaldyq ózgeristerdiń keń aýqymdy kontekstinde qarastyrý qajet.
Ol sońǵy jyldary eldiń eleýli qurylymdyq transformasııadan ótkenin, Ortalyq Azııadaǵy eń iri ekonomıka retindegi pozısııasyn nyǵaıtyp, turaqty ekonomıkalyq ósim kórsetkenin atap ótti.
Sonymen qatar Kazansevtiń baǵalaýynsha, Qazaqstannyń damý strategııasy birtindep ózgerip keledi.
«Qazaqstan birtindep negizinen sandyq ekonomıkalyq ósimge baǵyttalǵan modelden ónimdiliktiń artýyna, tehnologııalyq jańǵyrtýǵa jáne adamı kapıtaldy nyǵaıtýǵa negizdelgen sapaly damý modeline ótip jatyr», dedi sarapshy.
Sarapshylar Konstıtýsııalyq reforma men Qazaqstannyń keleshegin talqylady
Onyń aıtýynsha, mundaı modeldi júzege asyrý tek ekonomıkalyq reformalardy ǵana emes, sonymen qatar uzaq merzimdi memlekettik saıasatty úılestire alatyn jáne qurylymdyq ekonomıkalyq ózgeristerdi qoldaıtyn tıimdi basqarý ınstıtýttaryn talap etedi.
Osy turǵyda jalpyulttyq referendýmda maquldanǵan konstıtýsııalyq reforma el damýynyń jańa kezeńi úshin ınstıtýsıonaldyq negiz qalyptastyryp, memlekettiń uzaq merzimdi turaqty damýdy qamtamasyz etý qabiletin kúsheıtedi.
Grýzııa dıplomaty: Qazaqstanda ótken referendým halyqaralyq tájirıbege tolyq sáıkes keledi
Sarapshy sondaı-aq basqarý ınstıtýttarynyń nyǵaıýy qoǵamnyń memlekettik ınstıtýttarǵa degen senimin arttyrýǵa, ınvestısııalyq ahýaldy jaqsartýǵa jáne Qazaqstannyń óńirlik ári jahandyq ekonomıkadaǵy rólin kúsheıtýge yqpal etetinine nazar aýdardy.
Qorytyndylaı kele, Kazansev konstıtýsııalyq reformanyń eldi jańǵyrtýdyń keń aýqymdy strategııasymen jáne Qazaqstannyń uzaq merzimdi damý baǵytyn qalyptastyrýmen tyǵyz baılanysty ekenin atap ótti.
