Foto: Ashyq derekkóz
Eń joǵary nekelesý kórsetkishteri Astana qalasynda – 6,75, Qaraǵandy – 6,32 jáne Shyǵys Qazaqstan – 6,27 oblystarynda tirkelse, eń tómen kórsetkish Qyzylorda oblysynda – 5,06 boldy. Alǵash ret nekege turǵandardyń ortasha jasy erlerde – 27,9 jas, áıelderde – 25,3 jas bolyp belgilendi. Erler arasynda alǵash nekege turǵandardyń úlesi − 77%, áıelderde – 78% boldy, al ajyrasqannan keıin nekege qaıta turǵan erlerdiń úlesi − 22%, áıelderde − 21% boldy.
Eriksiz neke men erte ólim: Nelikten qazaq qyzdarynyń quqyǵy qorǵalmaı jatyr?
2025 jyly neke qııý kóbine jaz aılarynda tirkelgen: maýsym – 11 848, shilde – 12 955, tamyz – 12 418. Sonymen qatar, byltyr otaý qurǵandardyń 80,4%-y monoetnostyq neke, al 19,6%-y ultaralyq neke boldy.
Ajyrasýlardyń jalpy sany – 45,7 myń. Onyń 34 myńy (74,4%) qalalyq jerde, 11,7 myńy (25,6%) aýyldyq jerde tirkelgen. Jyldyq ajyrasý koeffısıenti 1000 adamǵa shaqqanda 2,24 boldy. Eń joǵary koeffısıent Pavlodar oblysynda – 3,43, Qaraǵandy – 3,41, Soltústik Qazaqstan – 3,28, al eń tómengi kórsetkish Túrkistan oblysynda – 1,03.
Ajyrasýlardyń eń úlken úlesi – 1-4 jyl otaý qurǵandar arasynda (35%), 5-9 jyl birge turǵandar – 24%, al úılengennen keıin bir jyl ishinde ajyrasqandar úlesi – 8%-dy qurady.
