Resýrstyq ortalyqtyń mindetteri – sábıdi 6 aıynan bastap qosymsha tamaqtandyrý joldaryna durys úıretý, sondaı-aq «Baqytty otbasy» baǵdarlamasyna sáıkes sanaly ata-ana uǵymyn qalyptastyrý maqsatynda ata-analar úshin psıhologııalyq trenıngter uıymdastyrý.
«Bosanýǵa daıyndyq mektebi» qyzmetiniń negizgi baǵyttary: júkti áıelderdi bosaný tehnıkasyna oqytý, ákeleri men jaqyndaryn bala týýǵa jáne bosanýǵa psıhologııalyq turǵyda daıyndaý, ana bolýdy úıretý, júktilik kezinde áıel aǵzasynyń anatomııasy men fızıologııasy boıynsha tanymdyq trenıng ótkizý.
«Mundaı kabınetter salaýatty qoǵamnyń negizi retinde «sanaly ata-ana» qaǵıdatyn úıretýge járdemdesedi. Osyndaı kabınetterdiń bizde ashylǵanyna qýanyshtymyz», deıdi №14 emhananyń dırektory Erlan Mýsenov.
Atalǵan is-shara Isker áıelder keńesiniń jáne «Aqnıet» qaıyrymdylyq qorynyń qoldaýymen ótti.
Mundaı ortalyqtar 2020 jyldan bastap basqa qalalyq emhanalarda da ashylyp keledi. Olardyń árqaısysynda konsýltasııalar, áńgimeler jáne oqytý sheberlik synyptary ótedi. Demeýshiler kabınetterdi qajetti jıhazben, uıymdastyrý tehnıkasymen, turmystyq tehnıkamen, oıynshyqtarmen, erte jastaǵy balalardyń tanymdyq salasyn damytýǵa arnalǵan zattarmen jáne qoldyń usaq motorıkasymen jabdyqtaýdy júrgizedi.
