«Qazmedıa ortalyǵynyń» stýdııasynda ekzıt-poll nátıjeleri tanystyrylǵannan keıin Memleket basshysy málimdeme jasady.
«Búgin – Qazaqstan úshin tarıhı kún! Elimizdiń azamattary konstıtýsııalyq reformany qoldap, referendýmǵa belsendi túrde qatysty. Otanymyzdyń bolashaǵyn oılap daýys berdi. Bul – óte jaqsy oqıǵa. Qazir ǵana ekzıt-polldyń nátıjeleri shyqty. Soǵan sáıkes qazaq eli túbegeıli tarıhı tańdaýyn jasady. Halqymyzǵa shynaıy rızashylyǵymdy aıtqym keledi. Búgin jurtymyz daýys berip, Qazaqstannyń tarıhyn, taǵdyryn aıqyndady. Bul sheshim dúnıe júzi tarıhynda máńgi saqtalady. Bul másele boıynsha eshqandaı kúmánim joq. О́ıtkeni bul – azamattarymyzdyń boıyndaǵy naǵyz otanshyldyq nyshany. Endi jyl saıyn 15 naýryzdy – Konstıtýsııa kúni, ıaǵnı, elimizdiń eń basty merekesiniń biri retinde qarsy alamyz. Sebebi Qazaqstan halqy jańarý men jańǵyrý úshin daýys berdi. Bul – bizdiń bárimizge ortaq jetistik. Barshańyzdy shyn júrekten quttyqtaımyn!», dedi Memleket basshysy.
Aıta keteıik, Qasym-Jomart Toqaev «Qazmedıa» ortalyǵynda respýblıkalyq referendým aıasyndaǵy úgit-nasıhat naýqanyna belsendi qatysqan jastarmen kezdesti. 
