Qalanyń Djaýdata Faızı kóshesi, 8 mekenjaıynda ornalasqan №175 mektepte belgisiz adamdar oqýshylarǵa oq jaýdyrǵan. Sonymen qatar jarylys boldy degen aqparat bar.
Bilim ordasyna jaqyn jerde bolǵan kýágerler atys kezinde mektep terezelerinen sekirip ketken balalardyń vıdeolaryn ınterentte taratty.
Vıdeoda atylǵan oq pen qatar shyryldaǵan balalardyń daýysy da qatar estiledi. Reseılik BAQ-ta taralǵan málimetterge sensek, oq atqandardyń biri ustalǵan. Kúdiktiniń jasy 19-da. Dál qazir jaǵdaı turaqty.
Jantúrshigerlik oqıǵa saldarynan oqýshylar qorqyp qalǵan. Evakýasııalanǵan balalarmen psıhologtar jumys istep jatyr.
Oqıǵa ornyna 21 jedel járdem brıgadasy jiberildi.
Sondaı-aq Tatarstan Prezıdenti Rýstam Mınnıhanov pen respýblıkanyń densaýlyq saqtaý mınıstri Marat Sadyqov jáne oblys prokýrory Ildýs Nafıkov ta oqıǵa bolǵan jerde júr.
Qalanyń barlyq bilim berý mekemelerinde qaýipsizdik sharalary kúsheıtile bastady.
