Ereımentaý aýdany ákiminiń orynbasary Battal Ybraevtiń aıtýynsha, qaıǵyly oqıǵa 10 mamyrda bolǵan. Temirjol stansııasy mektep oqýshysynyń úıine jaqyn ornalasqan.
«Oqıǵaǵa baılanysty tergeý sharalary júrgizilip jatyr. 4-synyp oqýshysy temirjoldyń ruqsat etilmegen jerinen ótpek bolǵan. Ol jerde belgilengen temirjol ótpesi joq. Odan ári kópir bar, avtobýstar júredi. Bala, ókinishke oraı, osy ýaqytta eresekterdiń qadaǵalaýynsyz bolǵan», dep túsindirdi B.Ybraev.
Sondaı-aq Kóliktegi polısııa departamentiniń baspasóz qyzmetiniń málimeti boıynsha, atalǵan fakti QR QK-niń 344-baby 2-bóligimen Nur-Sultan stansııasyndaǵy jelilik polısııa basqarmasynyń sotqa deıingi tergeýdiń biryńǵaı tizilimine tirkeldi.
«Tergeý júrgizilýde, ózge aqparat QR Qylmystyq is júrgizý kodeksiniń 201-babynyń talaptaryna sáıkes jarııa etilmeıdi», dep tolyqtyrdy vedomstvodan.
