«Elimizdiń basym bóliginde atmosferalyq frontaldy bólikterdiń ótýine baılanysty turaqsyz aýa raıy saqtalady, naızaǵaı oınap, jańbyr jaýady. Respýblıka boıynsha tuman túsip, naızaǵaı oınaıdy, jeldiń kúsheıip, daýyl soǵady, sondaı-aq burshaq jaýýy yqtımal», delingen habarlamada.
Aqmola, Qostanaı oblystarynyń keı jerlerinde tuman túsedi, jel 15-20 m/s kúsheıedi.
Jambyl, Qaraǵandy oblystarynyń keı jerlerinde naızaǵaı, tuman bolyp, kúndiz jel 15-20 m/s kúsheıedi, Jambyl oblysynda burshaq jaýýy yqtımal.
Shyǵys Qazaqstan, Pavlodar, Qyzylorda oblystarynda jel 15-20 m/s kúsheıedi, kúndiz Shyǵys Qazaqstan oblysynyń keı jerlerinde naızaǵaı oınaıdy.
Atyraý, Mańǵystaý oblystarynda naızaǵaı bolyp, túnde Mańǵystaý oblysynda jel 15- 20 m/s deıin kúsheıedi.
Almaty, Batys Qazaqstan oblystarynda naızaǵaı oınap, jel 15-20 m/s kúsheıedi, burshaq jaýýy yqtımal. Batys Qazaqstan oblysynyń keı jerlerinde daýyl soǵady.
Túrkistan oblysynda jel 15-20 m/s kúsheıedi, taýda naızaǵaı oınaıdy.
Soltústik Qazaqstan oblysynda aýa temperatýrasy tómendep, úsik júredi.
