9 mamyrda Qaraǵandy oblysy Aqtoǵaı aýdanynyń PB-niń qyzmetkerleri Balqash kóli aımaǵynda reıdtik is-sharalar ótkizdi. Tártip saqshylary sý qoımasynyń jaǵasynan 300 metr qashyqtyqta memlekettik tirkeý nómiri joq ÝAZ avtokóligin baıqaǵan. Avtokólik jolsyz jermen júrip, «Ekaterınbýrg-Almaty» tas jolyna ótpek bolǵan.
Polısııa 30 jastaǵy er adam basqarǵan kúdikti kólikti toqtatqanda, kóliktiń ishinde 59 jáne 50 jastaǵy taǵy eki jolaýshy bolǵan.
Tekserý barysynda polıseıler avtokóliktiń júksalǵyshynan 200 kelige jýyq ár túrli balyq túrlerin tapty. Keltirilgen shyǵyn mólsheri 800 myńnan astam teńgeni quraıdy.
QR QK-niń 335-baby (Balyq resýrstaryn, basqa sý janýarlaryn nemese ósimdikterdi zańsyz óndirý) boıynsha qylmystyq is qozǵaldy. Qazirgi ýaqytta tergeý amaldary júrgizilip jatyr.
