Vedomstvonyń málimetinshe, 2021 jylǵy mamyrdyń 11-de saǵat 07:07 shamasynda Kókshetaý qalalyq polısııa basqarmasy jedel basqarý ortalyǵynyń «102» pýltine 37 jastaǵy jergilikti turǵyn habarlasyp, óz páteriniń jatyn bólmesinen kórshisiniń denesin tapqanyn aıtqan. Er adamnyń sózinshe, kórshisi oǵan shaı surap kelgen. Sol kezde onda dene jaraqattary bolǵan. Tańerteń oıanǵanda er adamnyń kóz jumǵanyn kórip, birden polısııaǵa habarlasýdy sheshken. Oqıǵa ornyna barǵan tártip saqshylary 53 jastaǵy er adam túngi saǵat bir shamasynda kóptegen jaraqattardan qaıtys bolǵanyn anyqtady. Medısınalyq saraptamanyń qorytyndysyna sáıkes, er adam «bastyń, keýdeniń, ishtiń ishki aǵzalardyń zaqymdalýy, baýyrdyń jyrtylýy jáne travmatıkalyq shoktyń» saldarynan kóz jumǵan.
«Jedel-izdestirý sharasynda polıseıler quqyq qorǵaý organyna ózi habarlasqan 37 jastaǵy jergilikti turǵynnyń atalmysh qylmysqa qatysy baryn anyqtady. Er adam jasaǵan qylmysyn tolyq moıyndady. Ol ishimdik ishý barysynda týyndaǵan janjal kezinde kórshisin uryp, keıin tósegine jatýǵa ketip qalǵan. Tek tańerteń kórshisiniń ólgenin anyqtady.
Er adamǵa qatysty Qylmystyq kodekstiń 99 babynyń 1 bóligi «Adam óltirý» boıynsha sotqa deıingi tergeý sharalary júrgizilýde. Kúdikti ýaqytsha ustaý ızolıatoryna qamaldy», dedi vedomstvodan.
