Besikti mańyndaǵy Bezymıannoe sý qoımasynda 2 mamyr men 9 mamyr aralyǵynda 6,8 tonna balyq qyrylyp, 25 tonnadan astamy qutqaryldy. Aqtoǵaı aýylynyń janyndaǵy Baqsaı kanalynda 4,6 tonna qarakóz qyrylyp, 8,1 tonnasy qutqaryldy. Qurmanǵazy aýdanyndaǵy Sharon ózeninde 700 kg balyq joıyldy. Onda balyq túgel qyryldy.
Atyraý oblystyq balyq sharýashylyǵy basqarmasynyń basshysy Artýr Sádibekulynyń aıtýynsha, balyqtyń qyrylýyna sýdyń taıazdyǵy men ottegi jetispeýshiligi basty sebep bolǵan.
Bezymıannoe men Baqsaıda balyq sharýashylyǵy sýbektileri balyqty melıorasııalyq aýlaý jumystaryn bastady. Sondaı-aq, balyq saıǵa túspeý úshin torlar ornatylady.
«Kóktem bastalǵanda oblystyń balyqtyń qyrylý qaýpi bar 52 sý qoımasynda balyq ýyldyryq shashýǵa kedergisiz kirý úshin arnalar men ózen taramdaryn tazartý jumystary júrgizildi. Aıta ketý kerek, bul jumystarǵa bıýdjetten aqsha bólinbeıdi», dedi A.Sádibekuly.
Basqarma basshysy balyqtyń qyrylýyna quqyq qorǵaý organdary zańdy baǵa berýi kerek ekenin aıtyp, arnaıy qurylǵan komıssııanyń zertteý nátıjesi boıynsha bul is boıynsha qylmystyq quram joqtyǵyn jetkizdi.
