Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, bıylǵy sáýirde «Teńizshevroıl» kompanııasyna «Spýtnık V» vaksınasynyń 15 myń dozasy jetkizilgen. Qazir ken ornynda koronavırýs ınfeksııasyna qarsy vaksına saldyrýǵa 15 myń adam nıet bildirip otyr.
«Vaksınalaý erikti túrde júzege asyrylyp jatyr. Osy kezge deıin vaksınanyń I komponentin 10 myńnan astam adam saldyrdy.
«Teńizshevroıl» men seriktester qyzmetkerleri 11 mamyrdan bastap Atyraý, Qulsary, Nur-Sultan, Almaty, Oral, Shymkent, Aqtóbe, Aqtaý jáne Jańaózen qalalaryndaǵy «Medıker» ortalyqtarynan vaksına saldyra alady» dep málim etti basqarmanyń baspasóz qyzmetinen.
