Polısııa ókilderiniń málimdeýinshe, 2020 jyldyń aqpanynda Qarabalyq aýdanynyń polısııa bólimine Svıatoslavka aýylynyń turǵyny Sılınko Galına shaǵymdanǵan. Ol balasynyń jumys izdep Chelıabınsk oblysyna ketkenin, sodan soń baılanysqa shyqpaı qoıǵanyn aıtqan.
«Atalǵan ótinish boıynsha is qozǵalyp, er adamǵa halyqaralyq izdeý jarııalanǵan. 11 mamyrda jedel izdeý sharalarynyń nátıjesinde er adamnyń din aman ekeni, Reseı Federasııasynyń Naberejnye Chelny qalasynda turyp jatqany jaıly aqparat kelip tústi. Alaıda onyń eshqandaı qujattary bolmaǵan», dep atap ótti polısııa ókilderi.
Reseılik áriptestermen júrgizilgen kelissózden keıin Aleksandr Sılınkony otanyna qaıtarý kýáligin berý jóninde sheshim qabyldanǵan.
Qazirgi kezde polıseıler oqıǵanyń búkil mán-jaıyn anyqtap jatyr.
