Oǵan 144 Memlekettik qyzmet qosyldy, onyń ishinde jyljymaıtyn múlikke quqyqtardy (aýyrtpalyqtardy) memlekettik tirkeý, jer ýchaskeleriniń aktileri, bilim týraly qujattardy apostıldeý, muraǵat anyqtamalary, áskerı bıletterdiń telnusqalaryn berý jáne basqalar bar.
Jaqyn arada júrgizýshi kýáligin, jeke kýálikterdi, pasporttardy jáne basqa da qujattardy úıge deıin tapsyryspen jetkizý qyzmetteri qoljetimdi bolady. Qujattar daıyn bolǵannan keıin klıenttiń qajetti mekenjaıyna qujattardy jetkizýdi rásimdeýdi usynatyn veb-siltemesi bar SMS-habarlama joldanady. Qyzmet aqyly, qala boıynsha jetkizý quny – 970 teńge.
«Biz qazaqstandyqtar úshin memlekettik qyzmetterdi alý kezinde barynsha qolaıly jaǵdaı jasaýǵa tyrysamyz. Qujattardy úıge jetkizý servısin ótken jyly synaı bastadyq jáne birtindep ony jetildirip kelemiz. Bul bizdiń klıentterimizdiń memlekettik qyzmetterdi alý barysyn jeńildetip, olardyń qarjysy men ýaqytyn aıtarlyqtaı únemdeıdi. Búginde servıs almatylyqtar men elorda turǵyndary úshin qoljetimdi, jaqyn arada servısti ózge qala turǵyndary da paıdalana alatyn bolady», dedi «Azamattarǵa arnalǵan úkimettiń» basqarma tóraǵasy Ádil Qojyqov.
Qujattardy jetkizý boıynsha pılottyq joba bir aı buryn astanalyq HQO-lardyń birinde iske qosyldy, onda seriktes kýrerlik qyzmet arqyly 50-den astam qujat jetkizildi. 2020 jyldyń qazan aıynda egov.kz elektrondyq úkimet portalynda osyǵan uqsas qyzmet paıda boldy, ol kezde avtokólikterdiń memlekettik nómirleri men daıyn tehpasporttaryn úıge jetkizý servısi iske qosyldy.
