Qoǵam • 18 Mamyr, 2021

Rasımanyń asúıi

49 ret kórsetildi

Shaǵyn ashanada jumys qaýyrt. Munda tamaqtanýǵa keletinderdiń deni qarttar. Qaıyrymdylyq maqsatta úlestiriletin taǵamdar tek muqtaj jandarǵa ǵana arnalǵanyna qaramastan, zeınet jasyndaǵy turǵyndar úshin Rasıma Temerbaeva ashqan ashanadaǵy dámdi taǵamnan aýyz tııý dástúrge aınalǵan. Osylaısha, kúndelikti Almaty qalasyndaǵy Aımanov jáne Shashkın kóshelerindegi dúńgirshekter mańy túski mezgilde abyr-sabyr. Munda demalystan tys kúndelikti 150-deı adam tegin tamaqtana alady. Baıqaǵanymyz, ashanaǵa zeınetkerler tamaqtaný úshin ǵana kelmeıdi. Bir-birin saǵyna kórisken, áńgime aıtýǵa beıil jandardyń júzinen jylylyqtyń nyshany baıqalady.

Osydan 6 jyl buryn «Jobalardy basqarý» trenınginen ótken Almaty qalasynyń turǵyny Rasıma Temerbaeva tegin ashana ashý bastamasyn qolǵa alǵan bolatyn. Alǵa qoıǵan maq­satynyń qıyndyǵyna moıymastan isker áıel ájesi men anasynyń qaıyrymdylyq jasaý týraly qaǵıdalaryn qaperde ustaı­ty­nyn aıtady.

«Úıde anam men ulym jáne de jaqyn­darym maǵan jiger berip otyrady. Degen­men bar ýaqytym men kúsh-jigerimdi qa­ıyrymdylyq isterge arnap júrgenimdi tú­sinbeıtinder de kezdesedi. Men árdaıym kópbalaly otbasylardyń balalaryna, zeınetkerlerge jáne múgedektigi bar adamdarǵa kómekteskim kelip turady», deıdi isker jan.

Rasımanyń áleýmettik jobany júzege asyrýǵa degen oıy osydan 20 jyl buryn shamasynda týǵan. Psıholog, qarjyger mamandyǵy bola tura, aldyna osyndaı maqsat qoıǵan qaıyrymdy jan jobany iske asyrýdyń álippesin zertteı bastaıdy.

«Men AQSh-ta azyq-túlik banki bar ekeni jaıynda oqyp bilgennen keıin osy jobany qolǵa alýǵa qyzyǵýshylyǵym týdy. Bul joba azyq-túlik jınap, olardy muqtaj adamdarǵa úlestirý sııaqty qaıyrymdylyqty kóz­deıdi. Jobany zerttep bolǵannan keıin alǵan baǵytymdy anyqtaǵandaı boldym. Degenmen joba tujyrymdamasyna sáıkes azyq-túlik banki tolyqqandy bolýy kerek. Alaıda kóp mólsherde azyq-túlik úlestire almaǵanymyzben de, aldaǵy ýaqytta bul maqsatymyzǵa jetemiz dep oılaımyn», deıdi kásipker.

Joba tegin tamaq úlestirýmen ǵana shektelmeıdi. Onyń áleýmettik sıpaty basym. О́ıtkeni qoǵamda qamqorlyqqa, meıirimge muqtaj qart adamdarǵa kóńil bólý jaǵy jetińkiremeıdi. Ashanaǵa ke­letinderdiń arasynda buryn ustaz bolyp eńbek etkender, dárigerler men ǵylymı qyz­metkerler de bar. Rasımanyń aıtýynsha, olar úshin serýendep qaıtatyn, kóńildi orta árdaıym qajet. Kelýshilerdiń aldy 80 jasta. Qart adamdarǵa as ázirlep ishý qıynǵa soǵatyndyqtan, ashanadaǵy ystyq ári býǵa buqtyrylǵan jeńil tamaqtar – zeınetkerler úshin taptyrmaıtyn as máziri. О́ıtkeni olardyń arasynda qant dıabeti, sozylmaly aýrýlary bar jandar barshylyq. Munda as máziri kún saıyn ózgerip otyrady. Kópshilikke tarydan jasalǵan taǵamdar, borsh, burshaq sorpasy unaıdy.

«Dıetalyq taǵam qarttarǵa ǵana emes, kópshiliktiń densaýlyǵyna da paıdaly. Túski as kezinde qart adamdar bir-birimen til tabysyp, osy mańǵa ortaq áńgime dúken qurýǵa keledi. Jalǵyz qalýdan jalyǵatyn jandar jastyq shaqtaryn, jumys istegen jyldaryn, otbasyndaǵy qyzyqtarmen bólisip, bir mezgil kóńil kóterip, sergip qaıtady. Bizdiń jobamyz osylaısha jalǵyzilikti jandardyń qoǵamǵa qajet ekenin, jasy úlken bolsa da qandaı da bir qoǵamdyq iske jaramdy ekenin sezinýge qoldaý kórsetýdi maqsat etedi. Qart adamdardyń mereıi ústem bolsa, qoǵamda da izgilikti orta qalyptasady. Men óz jobamnyń qoldaý taýyp, qoǵamǵa paıdasy tıip jatqanyna qýanamyn», deıdi R.Temerbaeva.

Osyndaı ıgi isimen kópshilik­tiń alǵysyna bólenip júrgen keıipkerimiz 2015 jyly «Eń úzdik erikti» atalsa, 2017 jyly «Altyn júrek» syılyǵyn ıelengen. 2018 jyly «Qazaq­stannyń úzdik áleýmettik jobalary» respýblıkalyq baıqaýynda 1-oryn, 2019 jyly «Qaıyrymdylyq kerýeni» baıqaýynda da 1-oryndy ıelengen. Al byltyr «Halyq alǵysy» medaline laıyqty dep tanyldy.

Qıynshylyǵy men qýanyshy qatar órilgen osynaý ıgi iste Rasımaǵa dostary, janashyr azamattar men almatylyq bıznesmender kómektesýde. Osy ýaqyt ishinde joba qaıyrymdylyqqa beıjaı qaramaıtyn azamattardyń esebinen iske asyp keledi. Asúıde bir kezderi jobaǵa erikti retinde qatysqandar jumys isteıdi. Kásibı aspazdar bolmaǵanymen, salaǵa qatysty biliktilikterin arttyryp otyrady. Olardyń eńbekaqysy Almaty qalasynyń jumyspen qamtý aıasynda tólenedi.

«Biz qandaı da qıyndyqtar bolsyn jobany toqtatyp almaý úshin tyrysyp kelemiz. Degenmen eń qıyn sátter artta qaldy. Osydan tórt jyldaı buryn qa­rajattyń joqtyǵynan jobany bir jarym aıǵa toqtatýǵa týra keldi. Osyndaı sátte dostarymyz ben jaqyndarymyz qol­daý kórsetip, men daıyndaǵan jartylaı fa­brı­kattardy satyp aldy. Sol kezde de qarııalar jaǵy senim artyp, jumystyń qaıta jandanatyndyǵyna qoldaý bildirgen bolatyn. Aqparat quraldary da másele kó­terip, nátıjesinde demeýshi de tabyldy, jumy­symyz da alǵa basty. Satýdan túsken qara­jattyń da paıdasy zor boldy», deıdi Rasıma.

Onyń aıtýynsha, qoǵamdaǵy kez kelgen ıgi is demeýshilerdiń arqasynda júzege asady ári birlesken kúsh-jiger qajet. Oǵan dálel retinde pandemııaǵa baılanysty tótenshe jaǵdaı kezinde Rasımanyń asúıi jedel járdem stansa dárigerlerine de qol­daý kórsetip, tegin tamaqtandyrǵanyn aıta ketken abzal. Bul ıgi sharaǵa Almaty men Nur-Sultandaǵy 20 dámhana men meıramhana qosyldy. Osy ýaqytta 20 myńnan astam túski as berildi. Aýqat artylyp qal­ǵan jaǵdaıda basqa da qaıyrymdylyq qor­laryna azyq-túlikpen kómektesip, kóp­balaly otbasylarǵa, jalǵyzbasty adamdarǵa da qol­daý kórsetildi. Osylaısha, birlesken kúsh-jiger­diń arqasynda kóp­tegen qıyndyq artta qaldy.

Qoǵamdaǵy muqtaj, qamkóńil jan­dar­­ǵa jaqsylyq jasaýdy maqsat etken Rasımanyń asúıi qandaı da bolsyn qıyndyqtarǵa qaramastan, árdaıym qýa­nysh­qa toly. Al janarlarynan jyly­lyq sezi­letin jandardyń Rasıma men osy as­hana qyzmetkerlerine alǵystan basqa aıtary joq.

 

ALMATY

Sońǵy jańalyqtar

Oktagonǵa shyǵatyndar anyqtaldy

Sport • Búgin, 09:08

Belgradta beldesedi

Sport • Búgin, 09:06

Japonııada synǵa túsedi

Sport • Búgin, 09:03

Maıdannan on uly aman oralǵan ana

Tarıh • Búgin, 09:00

Ult tarıhyn ulyqtaǵan týyndylar

Tarıh • Búgin, 08:53

Eń bastysy – azamattardyń senimi

Qazaqstan • Búgin, 08:43

Smart Zholy jeńimpazdary anyqtaldy

Qazaqstan • Búgin, 08:36

Qundy qaǵazǵa qyzyǵatyndar kóp

Ekonomıka • Búgin, 08:32

Ekijaqty yntymaqtastyqtyń sony serpini

Saıasat • Búgin, 08:23

Ulttyq jobalar – kemel keleshek kepili

Qazaqstan • Búgin, 08:15

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar