Taqyryptyq kórmege qylqalam sheberiniń otyzdan asa jumysy qoıyldy. Sýretshi týyndylarynan avtordyń kásibı sheberligin ǵana emes, onyń týǵan ólkesine súıispenshiligi men tabıǵatqa yntyzar shynaıy sezimin de baıqaýǵa bolady. Ol óz shyǵarmashylyǵy arqyly adamdardy tabıǵatty baǵalaý men qorǵaýǵa úndeıdi.
Kórmeniń ashylýynda Elbasy kitaphanasynyń dırektory Baqytjan Temirbolat sýretshiniń eńbekterinde Elbasynyń «Uly dalanyń jeti qyry» maqalasynyń mazmuny shyǵarmashylyq negizde kórinis taýyp, óner tilinde beıneli sýrettelgendigin atap ótip, kórme ıesine «Nursultan Nazarbaev. О́mirbaıan» kitabyn syılady.
Sondaı-aq elordadaǵy Ulttyq mýzeı dırektory Arystanbek Muhamedıuly Anar Ábjanovanyń shyǵarmashylyǵyn joǵary baǵalap, onyń stýdent kezinde halyqaralyq deńgeıdegi túrli baıqaýlarda top jarǵandyǵyn sóz etti.
Al qylqalam sheberiniń ustazy, Qazaqstan Sýretshiler odaǵynyń múshesi, keskindemeshi Arystan Smaǵulov shákirtiniń ónerine dán rıza ekendigin aıta kelip:
– Anar Ábjanova sııaqty sýretshiniń qalyptasýyna óz úlesimdi qosqanymdy maqtan tutamyn. Jas kezinen ol óz sheberligin shyńdap, kóp jumys istedi. Tynymsyz eńbeginiń arqasynda elimizden tys jerde kórmesi ótip júr. Anar – óte eńbekqor, talantty jan. Oǵan tek tabys tileımin, − dedi ol.
Jalpy sýretshiniń shyǵarmashylyǵynda gúlder beınesi – qysqy jáne qalalyq peızajdarmen erekshe oryn alady. Onyń aıtýynsha, elimizde ósetin qyzǵaldaqtar taqyrybyna arnalǵan sýret toptamasyn jasaý ıdeıasyna Elbasynyń «Uly dalanyń jeti qyry» maqalasy shabyt bergen. Atalǵan maqalada Nursultan Nazarbaev Qazaqstan alma men qyzǵaldaqtyń tarıhı Otany ekenin atap ótken. El táýelsizdiginiń otyz jyldyǵy aıasynda Elbasynyń baǵdarlamalyq maqalasynyń mazmuny «búkil álem úshin ózindik mán-mańyzy zor» qyzǵaldaqtarǵa arnalǵan jumystardyń jaryq kórýine muryndyq boldy. Qazaqstannyń Tuńǵysh Prezıdenti «ósimdikter áleminiń jaýhary» ataǵan Greıg qyzǵaldaqtarynyń ásemdigi Anar Ábjanovany Ile Alataýyna shyqqan kezde tańǵaldyrǵan. Greıg qyzǵaldaqtary beınelengen jumys toptamasy Regel, Kolpakovskıı qyzǵaldaqtarynyń sýretterimen tolyqtyrylǵan.
Bıyl sýretshiniń shyǵarmashylyǵyna 20 jyl tolyp otyr.
– Taýlarda ósetin qyzǵaldaqtardyń gúldegen sátin ekiniń biri kóre almaıdy. Bul sırek kezdesetin qubylys. Sulýlyǵyna til jetpeıdi. Men osy keremetti kórip, qaǵazǵa túsire aldym. Tabıǵattyń ózi maǵan senim artqandaı. О́z sýretterim arqyly tabıǵatqa, onyń biregeı sulýlyǵyna uqypty qaraýdy nasıhattaǵym keledi. Qyzyl kitapqa engen ósimdikterdi joımaı, kerisinshe saqtap qalýdy suraımyn, – deıdi Anar Ábjanova.
Sonymen qatar kórme aıasynda sýretshiniń sheberlik-synyby men avtograf-sessııasy uıymdastyryldy.
