Úndistanda koronavırýs ınfeksııasynyń órshýine baılanysty plantasııanyń júzdegen jumysshylary COVID-19 indetin juqtyryp, syrqattanyp qalǵan.
Indetpen qatar tabıǵı apattar da zııan keltirip tur. Eldiń basym bóliginde qatty ystyq pen qurǵaqshylyq úlken másele týdyryp otyr. Sarapshylar munyń bári egin jınaýǵa kedergi keltirýi múmkin ekenin aıtady. Osy bastan jumys ónimdiligi azaıa bastaǵan sekildi. Al bul óz kezeginde shaı baǵasynyń ósýine ákelýi ábden múmkin.
RG.ru keltirgen derekterge sensek, Úndistan álemdegi eń iri shaı eksporttaýshy memleket. Shıkizat eksporty boıynsha shaı el ekonomıkasynda ekinshi oryn alady. Bul elde óndiriletin ónimdi negizinen ımporttaýshylar Iran, Reseı jáne AQSh elderi.
Halyqaralyq saýda ortalyǵynyń (HSO) statıstıkalyq portalyndaǵy málimetterge úńilsek, el 2019 jyly 813,8 mıllıon dollarǵa shaı eksporttaǵan. 2020 jylǵy málimetter áli jarııalanbaǵanǵa uqsaıdy.
Mintec analıtıkalyq fırmasy sáýir aıynda Kalkýtada ótken aýksıonda shaı baǵasy aldyńǵy aımen salystyrǵanda 40%-dan astam ósti dep eseptegen.
Keıbir sarapshylar Úndistan shaı eksportymen baılanysty problemalarǵa tap bolsa, basqa elderdiń shaı jetkizýshilerine múmkindikter terezesi ashylady dep esepteıdi.
